الكعك الوجدي المغربي

الكعك الوجدي المغربي شهي جدا بطريقة جد ناجحة وبالصور 5

السلام عليكم جارتي
كتشهاي ديري الكعك الوجدي وملي
كتبغي ديريه مكيصدقش ليك
موقع جارتي جاب ليك وصفة الكعك الوجدي
بطريقة جدا وايضا مشروحة بالصور

الكعك الوجدي المغربي

نبداو بسم الله 

مقادير الكعك الوجدي:

جبانية زيت
جبانية سنيدة
جبانية زنجلان محمر ومطحون
نصف جبانية لوز مطحون بقشره 
3 بيضات
2 معالق كبار حبة حلاوة مطحون
2 معالق كبار نافع مطحون
2 معالق كبار بسباس مطحون
2 خمارة  الحلوى
كأس صغير ماء الزهر 
دقيق حسب الخليط
للتزيين :
اصفر بيضة
قهوة سريعة الذوبان

طريقة تحضير الكعك الوجدي :

فقصرية او اناء كنديرو الزيت و سنيدة و الزنجلان
مطحون واللوز والبيض و النافع و حبة حلاوة
والبسباس والما زهر ونخلطو هاد العناصر جيدا

 ونخلطو الخميرة ديال الحلوة مع الدقيق وعاد
نزيدوه بشوية بشوية غلى  الخليط ديالنا حتى يولي
عندنا عجينة متماسكة و شوية رطبة في نفس الوقت

من بعد نقسموها كويرات

ونغطيوها بكيس بلاستيكي ترتاح من بعد ناخدو
الكويرة ونلولبوها على شكل قضيب ونبداو نقطعو
على شكل مربعات متساوية

وكل مربع نديروه على شكل قضيب طويل ونقطعوها
بهاد الشكل

او هاد الشكل

ونديروه على شكل دائري ونلصقو الجناب

ونشعلو الفران يسخن وندهنوه بالبيض

مخلط مع القهوة سريعة الذوبان ونستفوهم فطاوة
مدهونة بالزيت
وندخلوه الفران وملي يطيب
نقدموه بالصحة و الراحة هاهو الكعك الوجدي

 

5 Comments

  1. 3AN JAD RAW3A ochakl jamil lah i3tik sha

  2. تبارك الله عليم

    1. شكرا اختي فاطمة

      جارتي المديرة
  3. السلام عليكم عجبني هذا الكعك وبغيت نجربو ولكن معرفتش شنو هو البسباس ؟؟

  4. السلام عليكم عافاكم بغيت نجرب هذا الكعك ولكن معرفتش شنو هو البسباس؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *