الدجاج ديال العراسات

الدجاج محمر على طريقة الدجاج ديال العراسات 24

فهاد البرد تتزاد الشهية والطبلة كلما كانت مملوءة أكثر تيكون أحسن

اليوم حبيت نقترح عليكم جاراتي وصفة ممكن تعمليها للعائلة والضيوف 

وصفة شهية ومستحيل شي حد متعجبوش هي وصفة الدجاج محمر 

على طريقة الدجاج ديال العراسات 

الدجاج ديال العراسات

المقادير

3 دجاجات+ البصلة+ الربيع

الحامض مصير+الزيت الرومية والبلدية+العطرية 

الطريقة بالصور 

أول حاجة كنشدو الدجاج كنغسلوه مزيان بالملح و الحمض و نقيوه مزيان من الداخل

من بعد كنغسلوه مزيان و كنديره يقطر

و كنشدو بانيو كندير فيه حامضة معصرة+البزار +القزبر+سكنجبير

 كنشدو هاد الخليط او كنرقدو فالدجاج من الدخل و من برا

ونخليو الدجاج يبات فالشرمولة ليلة كاملة فتلاجة الغد ليه نجبدوه و نقطعو البصلة

كنشدو الطنجرة كنديرو فيها الزيت البلدية +شوية ديال الزيت الرومية كيسخنو

كنشدو البصلة كندروها فالطنجرة و كنخليوها تقلا

كنضفو عليها المقادير التالية

البزار +سكنجبير +الزعفران +التومة معصرة +القزبر +معلقة كبيرة ديال السمن +القلب ديال حمضة مسيرة 

الملح مكندروهش حيت الدجاج مرقد فيه

كنضفو جميع المقادير فوق البصلة

كنحركو مزيان

ثم كنحطو الدجاج فالطنجرة و كننقصو البوطة و كنخليو البصلة تطلق الماء ديالها ليبيه كيطيب الدجاج على خاطرو 

 

كنشدو لغلاقة ديال الطنجرة و كنحطو فوقها الزعفران شعرة يسخن مزيان تم كنحكوه بالكف ديالنا او كنديروه فالدجاج و كنسدو الطنجرة و كنخليو الدجاج يطيب

كنشدو لقشاوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش يبقاو صاينين و ما يتفرتتوش منين نضيفوهم على المرقة ديال الدجاج

من بعدما طاب الدجاج كنحيدوه او كنحطوه على جنب

 و كنرميو فالمرقة ديال الدجاج هدوك لقشاوش بعدما صفيناهم من الماء مزيان

 تم كنضيفو الزيتون

كنبداو نقليو فالدجاج

 

كنخليو المرقة حتى كتشرب مزيان او توقف او تولي خاترة عاد كنطفيو عليها و كنشدو جلوف ديال الحمض مصيرين كنقطعهم طوال و كنزوقو بهم الدجاج 

الدجاج ديال العراسات

بالصحة الدجاج المحمر في مطبخك مثل ديال العراسات

24 Comments

  1. tbarklah 3lik hadchi zwin bzaf walakin kifach toma m3assra…ya3ni mad9o9a yak??

  2. salam khti tbarkllah 3lik la jat 3la khatrek brit lwasfa dyal djaj m3amar o m7amar flforne

    1. طريقة تحضير الدجاج محمر ومعمر بالصور
      http://www.jaratii.com/recipe/8029

  3. tbarkllah 3lik had djaje kai chahi ghadine taibo fi bonne anné wach moumkine rakdo djaje fi charmoula moudate youmaine o ndirouhe fi elfrigo qbale ma ytibe

  4. tbarkellah 3lik had djaje kaichahi radine ntaibo fi bonne annee kantmna like saha et bonne anne o kol 3ame wa annti bikhir

  5. tbark llah 3lik akhti wlah ila chhal hadi wana tanqlb 3la had tariqa bdabt chekran bzzaf bzzaaaaaf

    1. khask tchkrini ana li molat lwsfa machi hia ana li 3malt majhod bach wjadt hadak dhah o hia ms7at smyti mn lwasfa

  6. salam 3alikom ana hia sa7ibat alwasfa 3lach akhti 7ydti smya diali mnha kan 3lik ila bghiti tchahri blmawki3 dialk chahrih walakin l2ism diali li kan mktob khlih machi tms7ih o tgoli lwsfa dialk hadi katsma chfra

    1. mafhmtch wach lmsj liya ana glt tbark llah 3lik nti molat lwasfa eglt had lma9adir chhal wana tanqlb 3lihem flpc wl9ithem 3ndk w3jbeni bzzaf wsmhiliya ila wslt lmsj btari9a mamfhemach llah ykhlik jawbini wach ana lmn sifti lmsj wachekran

      1. 7biba ntia d3iti ma molat lmawki3 o ana golt lik khask d3i m3aia ana hia molat lwasfa hhhhhhhhh ama nti ahbiba madrti walo

  7. tbarkalah 3lika zwina

    jamila berhout
  8. السلام عليكم عجبتني الطريقة ديال تحمار ادجا واش مومكن نحمروه فالفران وشكرا بزاف

    1. نعم حبيبة امال يمكن تحمريه فالفران بالصحة و الراحة

      جارتي المديرة
    2. نعم يمكاك تحمر الدجاجفي فرن

      1. يبقى اختياري

        جارتي المديرة
  9. وشيمكن دري دغميرة لي لحم

    1. الطريقة ديال اللحم بوحدها

      جارتي المديرة
    2. Ah

      غير معروف
  10. عطاك الله الصحة يلا كان ممكن بغيت شلايض لي نقدر نرافقهوم مع هاد الدجاجة لي كتشهي

  11. عطاك الله الصحة

  12. اللّٰه يعطيكم الصحة

  13. ممكن نعرف محال كيخود الوقت فالطياب

  14. الله يعطيك الصحة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *