نوتيلا اوريو تشيز كيك

اروع نوتيلا اوريو تشيز كيك 17

السلام عليكم جاراتي  كيف صبحتو حباباتي اليوم
جبت ليكم وصفة لي هيا نوتيلا اوريو تشيز كيك رائعة
والمكونات ديالها موجودين فجميع المحلات التجارية الكبرى

نوتيلا اوريو تشيز كيك

نبداو بسم الله

مقادير نوتيلا اوريو تشيز كيك :

12 قطعة اوريو مقطع (2 باكيات )
450 غرام تشيز كريم
 250 غرام نوتيلا
500 مليلتر القشدة الطرية
2 معالق صغار عصير الليمون
نصف معلقة صغيرة قرفة
90 غرام السكر البني
90 غرام سكر سنيدة
400 غرام بسكويت الشاي او اي نوع تفضلينه مطحون
170 غرام زبدة 

طريقة التحضير :

باش نحضرو نوتيلا اوريو تشيز كيك كنبداو بالطبقة السفلى
لي هيا كنديرو البسكويت في اناء و كنزيدو عليه القرفة و السكر البني

و نخلطو مزيان وكنزيدو عليه الزبدة نكونو دوبناها

ملي كيتخلط مزيان كنجيبو مول كيتفك من جناب كنقادو

الخليط ديالنا فالمول وكندوزو المرحلة الثانية كنوجدو فيها الطبقة الوسطى
ديال نوتيلا اوريو  تشيز كيك

كناخدو تشيز كريم كنخفقوها بالطراب وكنزيدو
عليها القشدة الطرية و عصير الليمون
ونبقاو نطربو بالطراب حتى كيولي عندنا كريما

وكنبدا نزيدو فسنيدة بالتدريج
و من بعد كنقسموها على جوج


الجزء الاول كنخلطو معاه اوريو ديالنا

ونجبدو المول ديالنا لي كان فالثلاجة
و نديرو فوقو الخليط ونقادوه فوقو

و كنرجعوه للتلاجة باش الكريما تشد راسها مزيان
وصلنا للطبقة الاخيرة من الوصفة
كناخدو هداك الجزء ديال الكريما

 لي حتافظنا بيه وكنخلطوه مع شكلاط نوتيلا
حتى كيولي خليط متجانس

كنكوبو الخليط ديالنا فالمول

ونقادو الوجه ديالو

وندخلوه للتلاجة من الاحسن ليلة كاملة ويلا
ماكانش عندك الوقت جارتي بزاف دخليها
لمدة 4 ساعات وباش نخرجوها من المول فقط كنفكوه
من جناب ونقطعوها

و هاهيا نوتيلا اوريو تشيز كيك بالصحة و الراحة 

17 Comments

  1. tbarklaaahh 3lik ajartii l3zizaa

  2. SALAM AKHTI ACHNAHOWA TCHIZ KRIM MAFHAMTCH WACH CHINO3 MN L FRMAJ WALA BRIT NSAOBO WALAKIN MA3RFTCH HADAK ACHNO O SAKAR LBONI DARORI MANO MAYAMKANCH N3AODOH BSANIDA 3AFAK JAOBINI DARORI
    BRIT NSAOBO LADYAF 3AFAK

    1. تشيز كريم هو جبن كيري تخفقيه مع سكر بودرة
      من الاحسن السكر بني موجود عند لي كيبيعو مقادير الحلوى

  3. wach kiri hadak moraba3at dalkhobz lah9ach kanchof 3andak kbir bhal zabda dakachi 3lach kansaolak

  4. samhili ila katart 3lik lah9ach 3ajbatni bazaf dik lhalwa chokran

    1. هداك كيري تاع برا كبير ره كاين فالمتاجر الكبرى

  5. wakha akhti chokran ranchof f magaza wach ranal9ah lah9ach ana 3aicha f belgiq dakachi 3lach

    1. بالتوفيق ان شاء الله

  6. wach momkin n3awad tchiz kreme b jban bach kaitsawab tchiz kak jaobini 3afak

    1. تاخدي فرماج كيري وتخفقيه مع سكار كلاصي وكيعطيك تشيز كريم

  7. oh chokran bazaf bazaf walah hada hal bsit hit kiri mojod okan3arfo chokran

  8. Salamu alikom 3afakom ana 3ndi so2al kharj 3la sujet chuia mohim ana 3ndi application f Google Play wdrt fiha RSS feed dialkom ? ya3ni zowar ghybqaw ichofo les sujet li kadiro olteht kandir view website fiha site dialkom ? yakma kayn chi mochkil fhadchi ?? mohim hahwa Email diali [email protected]

    1. حاليا نحن نقو بتطوير App خاصة بالموقع ،
      لذا فأي تطبيق غير رسمي لنا يستعمل Rss الموقع فهو ممنوع
      نتمنى أن تقوم بحذف التطبيق إذا كنت قد رفعته على Google Play

  9. تشيز كريم واش لي كيدروه في تراميسو

    1. لا اختي نهال كريمة( تشيز كريم) لتزيين الكب كيك وحشو الكيك

      جارتي المديرة
    2. لا لي كيدار فالتيراميسو هداك جبن الماسكربون اما تشيز كريم كيكون محضر من الزبدة والجبن

      جارتي المديرة
  10. wa3ra tbarkllah 3lik jrabtha liouma jat zwina

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *