اروع بطبوط البطاطا و البيض

اروع بطبوط البطاطا و البيض 35

من موقع جاراتي كنقدم ليكم جاراتي لعزازات اروع بطبوط

البطاطا و البيض كيجي خفيف و بنين غدي

يعجب صغير و لكبير غير جربيه

اروع بطبوط البطاطا و البيض

مقادير اروع بطبوط البطاطا و البيض 

رابعة بطاطس رابعة دقيق
بيضتان كبار
ملعقتين زبدة
شوي معدنوس حسب الرغبة
ملعقتين سكر
ملعقة كبيرة خميرة الخبز
ملح
شوي الحليب اللي يجمع

طريقة تحضير اروع بطبوط البطاطا و البيض 

تسلق البطاطا تطحن يضاف اليها الدقيق والملح والسكر  

يخفق البيض جيدا يضاف الى العناصر مع الزبدة الذائبة

و الخميرة واذا احتجنا الحليب نظيفوه

 تجمع باليد تترك تستريح قليلا تدلك تكور كورات صغار

تترك قليلا نضغط عليها ترش مقلات بالزيت

وتوضع فيها الخبيزات وتقلب حتى تنضج

بالصحة و الراحة 

35 Comments

  1. TBARKALAH 3LIKOM O KHLASS

  2. tbrklah 3likom

  3. wach jrbtou had lwsfa

  4. غزالة تبارك الله

  5. Llah y3tikom alf saha osalama

    khribgya horra
  6. tbarkalah 3likom akhawati

  7. ماجاتش زوينة معجنة من الداخل درت المقادير كما هي

    1. خاصك تنقصي العافية مزيان باش يطيب من الداخل عاد يتحمر من الخارج

  8. 7ta ana akhti dak lbatbot da3liya wach kayji jari bzaf wla ana 3mal lma9adir kif homa mazidt mana9ast

  9. جاني اختي جاااااري بزاف بحال الشفنج المقادير ماشي هي هاديك

  10. مزوينش هاد البطبوط جا جاااااري وزتو كثر منو دقيق وفاش طاب جا معجن واخا ناقصا العافية

  11. mazian likatsawab had lwasfa omsad9atch liha tgoulha bach n3arfou sabab

  12. Tebrkllah 3elik

  13. Ana ajarati 3ad khalat lma9adir bghit ntyabha daba.3ndak tjini hetta ana m3ajnaoydirni rajli dahka

  14. هههههههه يﻻ جاتك معجنة ديريها في بﻻستيكة ورميها في الازبال وﻻ من شاف وﻻ من درى

    ام بنيامين
    1. samhi lia l3jina makatlah kifama brat tkoun ou 3ib ou hchouma ngolo lna3mat lah nrmiwha fzbal hachakoum samho lia 3la had lkalma bit nachrah loukht

  15. ربما حجم البطاطا او البيض كيأثر في النتيجة وﻻﻻ ؟؟

    ام بنيامين
  16. كنظن الاخوات اللي مصدقش ليهم البطبوط انهم سلقو بطاطا بزاف حتى ادخلها ماء وطحنوها بزاف بالطحانه حيت هي خصها غير تمعس
    وكنظن حتى الدقيق مكافيش خصوصا مع حجم البيض خص حتى ديرو ماقدير كلها وتبقى ضيفو الدقيق وتزيدو حتى تجمع ليكم لعجينه وحتى حجم البطاطس ليش محددة لذلك نزن الدقيق غدي يكون اكثر من البطاطا
    غدي نعطيكم واحد الخبز كيجي فن بالبطاطا
    500غرام دقيق فينو
    350غرام بطاطا مصلوقة وممعوسة
    4 معالق كبار زيت
    خميرة العجين
    ملح
    معلقة سكر
    يجمع بالحليب
    خص البطاطا ملي تصلق تمعسوها مزيان غير بالفرشاه حيت الا طحنتوها كتولي سائله بزاف ولعيجن يكون جاري
    كنخلطو المقادير وندلكوها مزيااااااااااااااااااااااان
    تكون خفيفة بعد العجن
    نخليوالعجين يخمر مزياااااااااااااااااااان
    عاد نشكلوه الكمية خرجات لي 12 حبة والا عندكم ميزان من الاحسن توزنزهم باش يجيو كرات متساويين
    وبعدها تمرمردوهم في السميدة وديروهم في طاوة الفرن وكرصهوم غير شوية ماشي بزاف باش يجيو منفوخين وهشاش ثم فلحوهم بالمقص على شكل +ودخلوهم الفرن
    كيجيو خفاف وبحال القطن من الداخل

  17. الله يحفظكي جارتي إلهام ويجزيك بكل خير-ملاحظتكي حقا صحيحة و في محلها-وصفتكي صحيحة وكذالك وصفة موقع جاراتي مظبوطة –
    جاراتنا العزيزات ما انتبهوا للجزئيات البسيطة وضرورية في المطبخ -الله يبارك لنا ولكم في أعمال الخير-
    جارتكم أم سلطان-

  18. جارتي العزيزة- أم بنيامين-
    أرجو كي لا ترمي العجينة في الزبالة – فهي وإن لم تطهى نعمة من نعم الله – وحطيها مع الخبز اليابس اللي استغنيتي عليه-
    أتمنى انكي تتقبلين نصيحتي -الله يحفظكي ويبارك فيكي

  19. La i3tik sa7a tbarklah 3lik 3afak akhti ghir bnsba lbtata ch7al tji frab3a ta9riban 7it ma3ndich lmizan fdar wax 2 ola 3 ola ch7al

  20. salm cv 3likom akhwatati ana zaira jdida lmwo9i3 3jabni sarha rwo3a birit nchrk

  21. wasfa khayba

  22. momtaz

  23. السلام عليكم آخواتي الطيبات عواشركم مبروكة

  24. ana b7ra ghadi ntybha mais khft tjini b7al l2alahwt lakhrin

  25. السلام عليكم ورحمة الله
    بعد قراءة تعليقات الجارات العزيزات على هاذ الوصفة،حبيت ننقل ليكم تجريبتي المذهلة والنصائح لي خديت.
    -البطاطا مسلقتهاش إنما قطعتها مربعات و فورتها في الكسكاس كتوجد بزرية.
    -معستها بعد ما بردات بالفورشيت وخلتها مع الدقيق والخميرة و السكر و الملح مزيان بحال إلى غنصايب الحرشة.
    -ثم ضفت ملعقة كبيرة حليب نيدو غبرة و زبدة مذوبة و بيضة واحدة فقط و كانت صغيرة الحجم.
    -جمعت الخليط ثم ضفت الماء تقريبا ملعقة كبيرة فقط باش تجمع ليك العجينة و تكون لينة وطبعا حسب نوعية الطحين لي عندك.
    -خليتو تعجن مزيااااان ثم خمر مزيان عاد قسمتوا كويرات صغيرة خرجت ١٢ خبيزة گرصتهم بالسميدة رقيقة وغطيتهم يخمرو شوية تاني ماشي بزاف.
    -ثم بديت نطيبهم بالمقلة الثقيلة جاو منفوخييين بحال البونج من الداخل بمذاق رائع وريحتهم بحال الى فيهم الفرماج.
    لي معجباتهاش الوصفة فالاول تعاودها بهاذ الطريقة و بإذن الله غدي توفقي فيها.
    نسيت مذكرتش الربيع مقطع راه درتو.

  26. شكرًا بزاف لي صاحبة الوصفة و الجارات الكريمات لي بتعليقاتهم زعمت على هاذ الخبز الرائع.حاجة ثانية العافية مخصهاش تكون مجهدة.بالتوفيق …

    1. الله يخفظك اختي ويجازيك بالخير على كل هذه النصائح شكرا

      1. ليا ولكم،هذه غيير بعض التعديلات بنفس المقاديرالاصلية،شكرًا على مجهوداتكم وجعلها الله في ميزان حسناتكم.

  27. ana jarabt had la recette wjat wa3ra bzaff w 3ajbat dyaf diyawlii kanchkorkom bzaf stafdt bcp chose mankom
    bon courage a jarati

    1. بصحتك اختي زهرة

  28. bsahtak btawfi9 ahbiba

  29. شكرا بزاف اختي على هاد الوصفة

  30. بغيتي تقتمينا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *