حلويات مطبخ جاراتي وصفات الكب كيك وصفات المادلين

وصفة مادلين

  مادلين رائع
المقادير:
5 بيضات متوسطين الى كبار 4 يكفي
علبة ياغورت فاني بنفس العلبة نعبرو
كأس وربع زيت، كأس ونصف سكر، قشرة حامضة محكوكة، كيس فاني
3 كؤوس ونصف دقيق الى 4 كؤوس(حسب حجم البيض دائما ونوعية الدقيق)
2خمارات، م ك خل او عصير الحامض
الفواكه الجافة اختياريةوحسب المتوفر: كركاع مهرمش،حبيبات الشكلاطة،الفواكه المرقدة،الزبيب، اناناس جاف
التزيين لوز افيلي،وفواكه مرقدة
الطريقة
نخدمو البيض والسكر والفاني وقشرة الحامض جيدا ثم نزيدو الزيت بالتدريج،الياغورت، الدقيق وخميرة الحلوى م ك خل او م ك عصير الحامض(زيدوها فوق الخميرة) ندخلو الدقيق في الخليط
في زلافة نديرو فيها الفواكه الجافة مع شوية دقيق نلبسو لهم داك الدقيق ثم نغربل الزائد هكذا باش ميهبطوش التحت ملي كيطيبو
نعملو كويغطات مادلين في صينية ديالهم ونزينو من الفوق باللوز افيلي والفواكه مرقدة او نخلوهم هكاك والى الفرن مسخن جيدا من قبل على درجة حرارة متوسطة 170° الى 180° حتى يتحمرو ونذهنو بمربى المشمش للمعان وبالصحة والراحة
ملاحظات:
**يمكن طيبوهم مباشرة الى مزروبين بحالي اليوم ههه ويمكن تغطيوهم بالبلاستيك الغذائي ودخلوهم للثلاجة مدة ساعة او اكثر شحال ما مزيان وكيجيو زونين أكثر
**علبة=كأس

هذه الوصفة هي من betty_channel93 اضغطي هنا لزيارة حسابها

ترك تعليق