ميني كيك بالبندق بشكل راقي ومذاق رائع

السلام عليكم جاراتي العزازات ان شاء الله تكونو بخير ميني كيك بالبندق
بشكل جديد وراقي للمناسبات وايضا الاعياد وبطريقة جد
سهلة من الممكن حتى للمبتدئات تحضيرها وان شاء الله
تنجح ليكم و دعاو مع صاحبة الوصفة لالة كريمة بالخير
ولاعز الناس بالشفاء العاجل
نبداو بسم الله

ميني كيك بالبندق

المقادير :

120 غرام سكر
120 غرام زبدة
180 غرام طحين
30 غرام بندق بودرة
2 بيضات
ملعقة كبيرة خميرة الحلوة
كيس سكر الفاني
للتزيين :
قشدة طرية مطربة او شكلاط نوتيلا
حبات من البندق

طريقة التحضير :

ناخدو الزبدة تكون بدرجة حرارة المطبخ والسكر
سنيدة وسكر الفاني

ونطربوهم مزيان وعاد نبداو نزيدو البيض بالوحدة بالوحدة

ونخلطو حتى يولي عندنا خليط متجانس
ومن بعد بودرة البندق

وفنفس الوقت كنطربو وفالاخير نزيدو
الطحين و الخميرة

ونحركو الخليط جيدا غيولي عندنا ان شاء الله
عجينة ثقيلة شوية

نجيبو مول بحال هادا لي فالصور خاص بالميني كيك
ندهنوه بالزبدة ونرشوه بالطحين مزيان

و من بعد نكوبو فيه الخليط ديالنا ومنعمروهش
كامل حتى الحد باش ميفيضش

وندخلوهم للفران يكون مسخن من قبل على درجة حرارة 180
ومدة الطهي تقريبا 25 دقيقة كتختلف على حسب نوعية الفرن الى
كان عندك جارتي العزيزة فران ديال الغاز غير تبان ليك قبطات فراسها
تقبيها بموس الا حيدتيه ناشف صافي راها طابت ونخرجوها

وملي تاخد درجة حرارة المطبخ

نطربو القشدة الطرية حتى تولي كريما ونعمرو بيها
الميني كيك اولا نديرو فيها شكلاط نوتيلا ونزينوها من
الفوق بحبة بندق صاينة وهاهو ميني كيك بالبندق

بالصحة و الراحة
ومتنساوناش من صالح دعائكم

5 3 PT15M PT50M
وصفات الكيك

3 تعليقات

اترك رد