ميني بيتزا لذيذة و سهلة في التحضير بالصور

من موقع جاراتي كنقدم ليكم جاراتي لعزازات

ميني بيتزا لذيذة و سهلة في تحضير بالصور كتجي روعة

و بطريقة جديدة غير حضريها على مائدة الافطار غدي تعجب اسرتك

مقادير و طريقة تحضير ميني بيتزا

مقادير العجين

نصف كيلوفرينة ( فورص ) 4 معالق كبار زيت زيتون ملعقة كبيرة

خميرة الخبز خمارة الحلوة ملعقة كبيرة حليب غبرة

كاس دانون مسوس شوية ملح ملعقة كبيرة سكر شوية الزعتر

نخلطو مقادير العجين بماء دافئ ونعجنوها مليح

ونخليوها تخمر

للتزيين فهي اختيارية، هنا اختارنا صوص طماطم والبصلة و الفلفلة

قليناهم شوية مع التوابل و زيت الزيتون

نرجعو لعجينة قسموها على زوج

نرشو الدقيق على طاولة و نبسطوالعجين وندهنوها بالفرماج

ونلويوها كما الصورة

ونقطعوها

نزلوهم في صينية الفرن مفروشة بالورق ونبسطوهم بأصابع اليد

ونخليوهم يرتاحو شوية وندهنوهم بصوص طماطم

ثم نحطو البصلة و الفلفلة والطون و في الأخير الفرماج محكوك

و الزيتون أسود وندخلوهم يطيبو

وها ميني بيتزا لذيذة و سهلة في تحضير بالصور

بالصحة و الراحة