ميني بيتزا + بيتزا بالصور والمراحل

السلام عليكم جاراتي ، اليوم سأنقل لكم وصفة رائعة من صفحة ” أكلات لذيذة وشهية ” وهي عبارة عن طريقة عمل بيتزا وميني بيتزا بالصور والمراحل . الوصفة عربية لكن المكونات موجودة في المغرب 

وان شاء الله تعجبكم هاد البيتزا

ميني بيتزا بالصور والمراحل

مقادير العجينه :

3 كوب دقيق – 3 ملعقه كبيره زيت زيتون أو زيت دره – ملعقه سكر صغيره – نص ملعقه ملح صغيره – 2 ملعقه خميره صغيره – نص كوب لبن دافى (حليب)- بيضه

اول خطوه هنعملها اننا نحط ملعقه السكر وملعقتين الخميرة على نص كوب اللبن الدافى ونقلبهم ونسيبهم على جمب يخمرو

وفى الوقت ده هنروح للدقيق ونحط عليه نص ملعقه الملح و 3 ملاعق زيت الزيتون والبيضه

ونروح حاطيين نص كوب اللبن اللى عليه الخميرة والسكر عليهم ونعجن بقا
هنلاقى العجينه محتاجه لميه نبقا ساعتها نكمل بميه دافيه ونعجن لحد ما نلاقى العجينه بقت متماسكه وسابت من ايدينا

نمسح ايدينا بشويه زيت زيتون ونمشيها ع العجينه ونغطيها بفوطه ونسيبها فى مكان دافى تخمر لمده ساعه

وده شكلها بعد ما خمرت

ممكن لو حابيين اننا نستخدمها فى وقت تانى نحفظها فى كيس ونشيلها فى التلاجه او فى الفريزر لو هتقعد اكتر من يوم

ولو هنستخدمها على طول هنقسم العجينه نصين لان الكميه دى تعمل 2 بيتزا كبيرة

نيجى بقا لفرد العجينه اول حاجه هنعملها اننا ندهن الصينيه بشوية زيت صغيرين

ونحط العجينه ونفردها بسمك واحد سنتيمتر

ونتركها تخمر نص ساعه نكون جهزنا الحشوة

الحشو :

صلصه بيتزا – فلفل اخضر مكبب – زيتون – بصله – سجق ( صوصيس ) او ممكن تونه او لحمه او لانشون او ممكن نسغنى عن كل ده ونكتفى بالخضار والجنبه لو حابيين انها تكون مارجريتا – جبنه موزاريلا او جبنه تركى

اول حاجه هنعملها للعجينه اللى فردناها اننا هنحط الصلصه الاول

وبعدين نحط الفلفل الاخضر ثم البصل والزيتون

والسجق او الحاجه اللى هنحبها وتكون عندنا

وندخلها الفرن وفى نص السوا بتاعها نطلعها ونحط الجبنه الموزاريلا والتركى

ونسيبها لحد ما تكمل سوا والجبنه تسيح وده شكلها لما طلعتها

وبنص العجينه التانيه فردتها بالمشابه وجبت وعاء وعملت بيها دواير وبنفس الخطوات اللى فاتت عملتها
وده شكلها لما طلعت

8 تعليقات

ترك تعليق