مقادير وطريقة عمل خبز الدار من الجارة نورا

جاراتي أنا مكنشرش الخبز ديل الزنقة وليوم بغيت نعطيكم المقادير إلى كتعجنو بحالي

خبز الدار صحي وعجينة يديك

خبز الدار من الجارة نورا

مقادير خبز الدار

1 كيلو من دقيق القمح الفينو أي سبيسيال

 كاس صغير خليط زيت و زبدة . معلقة كبيرة خميرة معجونة

2 معالق كبار سكر . 2 كيسان حليب . ملح . ماء دافئ 

طريقة التحضير

رطبي الخميرة فشوية ماء دافئ

سخني الحليب والزيت والزبدة والسكر وكاس ماء وعجني بيهم الدقيق مع الملح والخميرة

خلي العجينة مرخوووووفة

زيدي الماء عند الحاجة

دلكي العجين مزيان وخليه يرتاح نصف ساعة

تم قسميه كويرات وكرصيهم بالفينو فطاوة مدهونة

ومين يخمرو طيبيهم فالفرن

حتى يتحمرو وبالصحة والراحة

الجارة نورا

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة نورا[/author]

4 تعليقات

  • tbaklah 3lik ghzala khbze fana hta ana kansowbe bhalha bsahtki zin

    خبز بالطحين دقيق الفينو

    المقادير

    مصف كيلو الدقيق لفينو سبيسيال

    2معالق صغار حليب نيدو بودرة

    1معلقة كبيرة سكرسنيدة

    معلقة كبيرة خميرة الدار معجونة

    2 معالق كبار زيت المائدة

    ملح

    ماء دافئ للعجين

    سميدة متوسطة للتقراص

    الطريقة

    نخلطوا جميع المقادير مع اضافة الماء الكافي و الدلك جيدا لمدة 10 حتى 12 دقيقة حتى نحصل على عجين املس و كيلصق شوية في اليد
    نخليوه يرتاح لمدة ربع ساعة

    نرشوا السميدة المتوسطة فوق طاولة تم نقسموا العجين الى 14 كرة يكونوا نفس القياس مع الرش بالسميدة ثم نعملوه في صينية الفرن مرشوشة بالسميدة و نكرصوهم واحد الشوية
    نغطيوهم و نخليوهم يخمروا حسب الجو
    عد نطيبوهم
    او بصحة وراحة

ترك تعليق