معقودة محشية بالفرماج بالصور والخطوات

معقودة محشية بالفرماج من الجارة أم ندى، وصفة شهية جدا سهلة التحضير ومناسبة لتنويع مائدة الافطار في شهر رمضان الأبرك . معقودة هادي مقاديرها في المتناول

معقودة محشية بالفرماج

 المقادير :

بطاطا مسلوق
شوية معكنوس والقسبور مخلطين
ابزار ملح كمون
صفار بيضة
نص بواطة طون الزيت
كشير محكوك فالحكاكة رقيقة
واحد ضرسة ثوم محكوكة

للحشو:

فرماج مثلث مقطع طريفات

للتفنيد:

لاشابلوغ يحضر كالتالي (نسخنو الفران مزيان وندخلو الخبز اتكرمل ونطحنوه منين ابرد)
ابيض بيض

الطريقة:

نمعسو بطاطا وهي سخونة ونزيدو عليها جميع المقادير نخلطو مزيان

ونديرو كورات الحجم لي بغيتي انا كبرتهم ونديرو حفرة فالوسط نديرو طرف ديال الفرماج ونسدو عليه

منين نساليو كاع الخليط نسخنو الزيت ونديروه فبياض البيض ونعاود نديرو فلشبلوغ

ونقليوه فالزيت وهاهي معقودة محشية بالفرماج كتجي روووعة حمقو عليه وﻻدي وانا معهوم ههه وبالصحة والراحة. جارتكم أم ندى

5 تعليقات

اترك رد

Do NOT follow this link or you will be banned from the site!