معقودة بالطون و الكاشير بنينة وسهلة من الجارة سليمة

السلام عليكم جاراتي هاد المرة وصفة من عند جارتنا سليمة
معقودة بالطون و الكاشير سهلة وتليق فالطبلة ديال رمضان
بمقادير ساهليم وكتجي بنينة بزاف وتعجب
ان شاء كل افراد العائلة نبداو بسم الله

معقودة بالطون و الكاشير

المقادير :

البطاطا
الكاشير
الطون ديال الزيت
3 البيضات 
معدنوس 
ابزار
تحميرة 
ملح
مسحوق الخبز

طريقة تحضير معقودة بالطون و الكاشير :

ناخدو البطاطا نحكوها فحكاكة غليضة
ونزيدو الكاشير محكوك
وناخدو الطون ديال الزيت ونفرتوه
ونخليوه بالزيت ديالو
و 3 البيضات و معدنوس و الابزار و التحميرة ملح
نخلطو كلشي مزيان نديرو الكويرات
ونديروهم فالبيض مطرب و نفندوهم في
مسحوق الخبز من بعد منكونو حمرناه حسن من الدقيق
كايجيو بنينين انديرو كويرات انقليوهم في الزيت
يكونو سخون مزيان وملي تحمر نحطوها فوق طبسيل
فيه منديل باش يمص الزيت لي في معقودة بالطون و الكاشير
والناس لي غيقولو بلي الطون غيتقلى و غيولي مضر فهادي
لا حكاش الطون غيتخلط مع المقادير وغير الخبز هو
لي غيتقلا وهاهيا بالصحة و الراحة
كنتمنى نجربوها

ومتنساوناش من الدعاء ديالكم
جارتكم سليمة 

17 تعليق

اترك رد

Do NOT follow this link or you will be banned from the site!