مسمن معمر بدقيق القمح الكامل

 
مسمن معمر بدقيق القمح الكامل ، وصفة لمسمن محشي بالكفتة ومحضر بالدقيق الكامل ديال القمح

العجين:
4كؤوس دقيق ابيض، 3كؤوس دقيق القمح الكامل، ملعقة صغيرة ملح، ملعقة صغيرة خميرة حلويات نعجنو بماء دافئ ونخليوه يطلق فبلاستيك غذائي نصف ساعة

نشكلو من العجين كويرات صغار وندهنو بالزيت ونغطيوهوم يطلقو ربع ساعة، نطلقو الكرة رقيقة ونرشو بالزبدة ذايبة والدقيق ونوضعو الحشو فالوسط ونطوي على 4 ،ثم نطلقو كرة اخرى رقيقة ونرشو بالزبدة ذايبة والدقيق ونوضعو الرغيفة الاولى لي عمرنا ونطوي عليها العجين ،ونطيب المسمن فمقلاة ناشفة على نار هادئة

الحشوة :
بصل اخضر مفروم، فلفل احمر مقطع رقيق ،لحم مفروم، دهن بقري (شحمة الكلوة محكوكة) ،توم مفروم، قزبر وبقدونس مفروم، ملعقة صغيرة ملح وفلفل اسود فلفل احمر كمون زنجبيل كركم توابل الكفتة رشة قرفة ،نشوحو كلشي فشوية زيت مائدة حتى ينشف تماما ويطيبو المكونات

هذه الوصفة هي من cooking_with_nisaa اضغطي هنا لزيارة حسابها

ترك تعليق