مسمن معمر بالكفتة فالفران شهوة منو بالطريقة و الصور

السلام عليكم جاراتي مسمن معمر بالكفتة
فالفران رائع مقرمش كيجي بنين وشهوة
منو توجديه لوليداتك ولعائلتك كمقبلات فوجبة
اللمجة و سهل حتى بالنسبة للمبتدئات

نبداو بسم الله

مقادير مسمن معمر بالكفتة :

500 غرام طحين 
خمارة ديال الحلوة 
الملح
ابزار 
بيضة 
شعرية الصينية 
معلقة كبيرة زبدة 
250 غرام كفتة 
ضامة البنة ديال البقري

طريقة تحضير مسمن معمر بالكفتة :

اولا كنوجدو العجينة فإناء كنديرو الطحين و الخميرة و الملح والبيض و كنجمعوها
بالما دافي ونخليوها ترتاح من بعد كنسخنو الما مزيان ونديروه
فاناء ونديرو فيه الشعرية الصينية و نغطيوه 
فمقلة نديرو معلقة ديال الزبدة على عافية مهيلة و نديرو الكفتة
والملح و ضامة البنة ونحركوها حتى طيب ونحيدوها
من فوق البوطة ونزيدو عليها الشعرية الصينية

فهاد الوقت ناخدو العجينة ديالنا ونديروها كويرات صغار ملي
ترطاب نبسطو العجينة و ونحطو فوقها معلقة ديال الحشوة

ونطويوها على 4 وليني منكرصوهاش ونستفو
المربعات ديالنا فوق طاوة مدهونة بالزيت

وندخلوها لفران يكون متوسط الحرارة
وهاهوا جارتي ملي خرجناه

بالصحة و الراحة