مسمن بالكفتة والبصلة

  مسمن بالكفتة والبصلة
مقادير العجين
زوج زلايف دقيق ابيض
زلافة وحدة سميدة الناعمة جدا اكسترا فاين
ملعقة كبيرة حليب بودرة
ملعقة ك سكر
ربع ملعقة صغيرة خميرة الخبز اليابسة
ملعقة صغيرة معامراش خميرة الحلاويات، ملح
والماء دافىء للعجن
الطريقة
كنعجن العجين مزيان كنقسمو كريات كانطلق عجينة المسمن بالزيت وكنرشها شوية بالزبدة انا كنحيد ليها الماء كايجي لمسمن مورق ومقرمش ورطب وكنحط الحشوة فالوسط كنطوي لمسمن عادي طوية الاخيرة كنردها التحت باش متخرج الحشوة من العجين وكنحطحم على ورق الطهي عليه كنكرص العجين كيبقى محافظ على الشكل والعجين مكيرجعش كيبقى فبلاصتو
الحشوة استعملت
زوج بصلات متوسطين شحرتهم مزياان في الزيت من بعد ضفت الكفتة ملح فلفل أسود فلفل احمر حلو والخرقوم قزبرة يابسةواربيع شوية شوية من الحاجة الكفتة مطيبوهاش بزاف غير يتغير اللون صافي غاتكمل طياب مع لمسن باش الكفتة ماتجيش ناشفة وتقطع لكم العجين
بالنسبة لطياب نار تكون مهيلة كنطيبهم في لبلاصة باش ميخمرش وتكملو دغيا والبصحة والراحة

هذه الوصفة هي من matbakh_oum_zayd اضغطي هنا لزيارة حسابها

ترك تعليق