السلام عليكم اليوم غدي نقدم لكم مخيمرات هشاش و لذاذ
ساهلين في التحضير و اقتصادين وممكن تحتافظي بيهم في
المجمد لوقت لاحق و بين قريصة و قريصة
عملي بلاستيك غذائي
مقادير مخيمرات هشاش و لذاذ بالصور
دقيق فوص وفينو (سبيسيال )
شوية الملح
شوية الخميرة ديال الخبز
والما دافئ للعجن
طريقة تحضير مخيمرات هشاش و لذاذ بالصور
نعجنو العجينة مزيان و ندلكوها حتى تولي كطرطق
ونغطيوها 10 دقايق باش تطلق شوية
ومن بعد تقطعوهم قرصات صغار
و نغطيوهم حتى يتضاعف الحجم ديالهم
عاد نقرصوهم ونغطيوهم ونخليوهم اخمرو
نديرو الزيت في المقلة حتى تسخن
ونوضعو لقريصة في المقلى
ونبقاو نقلبو فيها حتى تحمر و العافية ما تكونش مجهدة
بالصحة و الراحة
عجبني بزاف يعطيك صحة وموقع هايل
ياربي امين حبيبة بوعرفة
تبارك الله عليك
Chokran ahbiba bzaf. Lahla ykhatik
Salam khti tbarkalah 3lik bghit nsawlak 3afak mnin garastihom fthin wala zit jawbini 3afak
كرصتهوم فالطحين أ ختي سناء
الله يعطيكم ألصحة والبركة في كل شيء
البساطة والطعم اللي ما يتنسى-ذكرتوني برمضان زمان- الله لا يحرمنا منكم -ماشاءالله تبارك الله- ما فرطتوا في شيء لا قديم ولا حديث-بصراحة أبهرتوني
رائعه وجميله وبسيطه يسلموا ايديك