محنشة بالسمك مقرمشة وسهلة التحضير بالصور

السلام عليكم جاراتي محنشة بالسمك بانواع مختلفة
وجد غنية بالاضافة الا انها خفيفة على المعدة وجد مفيدة
للجميع ويمكن تحضيرها بكل سهولة في البيت لانها مشروحة
بطريقة مفصلة جيدا وهذه المقادير تكفي لستة اشخاص
نبداو بسم الله

محنشة بالسمك

المقادير :

نصف كيلوغرام سمك ابيض
ربع كيلوغرام كلمار
ربع كيلوغرام قيمرون
نصف ربع كيلوغرام شعرية صينية
حبة بصل مقطعة حبة طماطم كقطعة
نصف حبة فلفل حمراء مقطعة
علبة صغيرة فطر مأكول مقطع
ضرس ثوم محكوك
شوية قزبر مقطع
ست حبات سوريمي
زيتوون اخضر مقطع
زيت الزيتون
ورقة سيدنا موسى
زعتر يابس
عصير حامضة
توابل
ورقة بحلاوة
100 غرام زبدة دايبة
اصفر بيضة

طريقة تحضير محنشة بالسمك :

فقدر نديرو فيه الماء يغلي ونديرو فيها ورقة
سيدنا موسى وزعتر يابس وشوية الملح و ضرس
ثوم ونديرو فيها السمك الابيض

ونخليوه لمدة 10 دقائق من بعد نحيدو منو سلسول
و نقيوه من الشوك ونقطعوها طريفات صغار ونخليوه
جنب ومن بعد نغليو الما مزيان ومديروه فشي اناء ونديرو
فيه الشعرية الصينية ونغطيوها على الاقل لمدة سبع دقائق
ونصفيوها ونقطعوها

ومن بعد ندوزو للحشوة نديرو فمقلة البصلة تشحر
فزيت الزيتون وملي ترخا نزيدو الفلفلة والفطر المأكول
والثومة والقزبر ومن بعد التوابل لي هي الملح و الابزار
و الكمون و الهريسة

ونغطيوهاوملي يطيبو

نزيدو عليهم سكينجبير و تحميرة
وعاد نزيدو الكلمار مقطع و القيمرون

ونرجع نغطيوها حتى يطيبو مزيان

وتنشف المقلة من المرق ونديروها فزلافة غارقة شوية
ونزيدو عليها السمك الابيض المقطع

و الشعرية الصينية و السوريمي والزيتون

ونديرو معلقة كبيرة عصير الحامض
ونخلطو كلشي مزيان

ونديروه فشبكة باش الما لي فيها زايد يحيد
ومن بعد ندوزو للمرحلة الاخيرة ناخدو 4 ورقات
ديال ورقة بحلاوة نلصقو وحدة بطرف الاخرى
كل جوج فوق بعضياتهم

وندهنوهم بالزبدة مزيان نكونو دوبناها من قبل
ونحوطو على الطول ديال الورقة نصف كمية الحشوة


ونلويوها على الشكل المعتاد للمحنشة

وبحال هاكا نوجدو نصف كمية الحشوة بنفس الطريقة
وندهنو فالاخير باصفر البيض

ونديروها فطاوة وندهنوها بالزبدة من الفوق

ونسخنو الفران بدرجة حرارة 180 ونحمروها من الفوق
و التحت وملي نخرجوها من الفران 

ونقدمو محنشة بالسمك فطبق التقديم

بالصحة و الراحة

ونتمنى تجربوها وتعجبكم

9 تعليقات

اترك رد

Do NOT follow this link or you will be banned from the site!