كيك لوليداتك من الجارة إيمان

السلام عليكم جارتي، اليوم جبت ليك كيك لوليداتك محضر من الجارة إيمان، وأعتقد هذه ثاني وصفة لها . وأحب أشكرها عليها وان شاء الله تعليقات الجارات تكون مشجعة لها

كيك لوليداتك

مقادير الكيك :

4بيضات
125غ زبدة
كاس سكر
3 ملاعق كاكاو ممتاز
قشرة حامضة محكوكة
2خمارات ديال الحلوى

للتزيين :

ملعقة زبدة
يوغورت الشكلاط
10 مربعات شكلاط
وملعقة قهوة سريعة الذوبان

طريقة تحضير كيك لوليداتك :

نخدم مزيان السكر و الزبدة بالطراب الكهربائي و نزيد البيض وحدة بوحدة

ونضيف باقي المقادير كلها حتى تندمج

و نضيف مقدار كاس و نص دقيق

نعملوها فأي مول مدهون بالزبدة و مرشوش بالدقيق

و طيب على نار مهيلة فالفرن مدة 30 د

مللي تخرج و هي سخونة نسقيوها بالقهوة تكون باااردة

و فمرحلة التزيين فحمام مريم نذوب الزبدة مع يوغورت الشكلاط و قطع الشكلاط حتى ترجع بحال كريما

و نخويوها فوق الكيك

وزينيها سيدتي بأي نوع دالحلويات أو اللوز مهرمش

بصحة وليداتك، 

جارتكم إيمان

12 تعليق

ترك تعليق