كيك رولي سهل بالشكلاط بالصور والمراحل

جديد الاخت مونيا وهذه المرة وصفة كيك رولي سهل بالشكلاط . طريقة تحضير كيك رولي سهل جدا وبالمراحل المصوّرة حتى تنجح مع الوصفة باذن الله

كيك رولي سهل بالشكلاط

وصفات الكيك رولي من الحلويات الأروع من ناحية المنظر والتقديم ، هذه الوصفة بالذات تتميو بالسهولة في الاعداد وهي مناسبة للمبتدئات والشكر كل الشكر للاخت مونيا على تصوير الطريقة

مقادير الكيكة

3 بيضات
20 غرام سكر
100 غرام دقيق
ملعقة كبيرة بودرة الكاكاو
خمارة

مقادير الكريمة

نصف رابعة زبدة
3 فرماجات
3 ملاعق كبار سكر صقيل
نصف رابعة شكلاط أبيض (أو أسود)

طريقة كيك رولي سهل بالشكلاط

نوجدو الكيك، نطربو البيض مع السكر مدة 10 دقايق حتا يتزاد فالحجم ديالو،

نخلطو الدقيق مع الكاكاو و الخميرة

و نزيدوهم علا البيض و السكر اللي طربنا و نخلطو مزيان حتا يتجانس لينا الخليط،

نديروه فلاطة مستطيلة مدهونة بالزبدة و الدقيق (او مفرشة بالورق الشفاف) و نوزعوه مزيان،

ندخلوه للفران يطيب مدة 15 حتال 20 دقيقة، لما يطيب لينا الكيكة نخرجوها،

نغطيوها و نخليوها تبرد مزيان

نوجدو الكريمة، نطربو الزبدة مع الفرماج حتا يتجانس لينا الخليط،

نضيفو السكر الصقيل ملعقة بملعقة و حنا تانطربو مزيان حتا نكملو الكمية،

و أخيرا نضيفو الشكلاط أبيض اللي خاصنا نكونو ذوبناه

و نخلطو مزيان و ها هي الكريمة واجدة

ناخدو الكيكة نحيدوها من اللاطة و نديروها فوق ثوب نقي،

ندهنوها كاملة بالكريمة،

نروليوها بشوية باش ماتهرسش لينا

و نزينوها بالكريمة و الشكلاط

كما هو واضح فالصورة أو حسب الرغبة،

وهاهي كيك رولي سهل بالشكلاته 

نقدموها بالصحة و الراحة

12 تعليق

ترك تعليق