كيك بالحامض لجميع المناسبات الخاصة

السلام عليكم جاراتي ختاريت ليكم هاد المرة
كيك بالحامض مذاق ديالو هائل وبطريقة سهلة
حتى بالنسبة للمبتدئات كيجي روعة
وكيليق بجميع المناسبات

كيك بالحامض

نبداو بسم الله

مقادير كيك بالحامض :


مقادير العجين :
240 غرام زبدة
400 غرام سنيدة
360 غرام دقيق
4 البيضات
250 مليلتر قشدة طرية
معلقة كبيرة خميرة الحلوى
نصف معلقة صغيرة ملح
معلقة صغيرة مستخلص الفانيلا
2 معالق كبار عصير الليمون
قشرة 3 الحامضات محكوكات
للتزيين:
3 الحامضات
التوت (تقدري تعوضيه باي فاكهة بغيتي)
كريم باتيسيير  



طريقة تحضير كيك بالحامض :

الخطوة الاولى كنخلطو الدقيق و الخميرة
و الملح بطراب يدوي ونخليوه جانبا

الخطوة الثانية كنطربو بالطراب الكهربائي الزبدة

مزيان كنزيدو عليها السكر

ونطربو مزيان ونزيدو البيض لي عندنا بشوية بشوية
و في نفس الوقت حنا كنطربو نزيدو عليها
الفانيلا

وعصير الحامض

والقشرة ديال الحامض

ملي كيولي عندنا خليط متجانس

كنضيفو نصف كمية الدقيق لي وجدنا فالاول
ونخلطو و نزيدو نصف كمية القشدة الطرية

ملي يتخلط مزيان نزيدو الكمية المتبقية من الدقيق
و القشدة الطرية ونبقاو نخلطو و ملي يولي عندنا
عجين متجانس و متماسك
كنجيبو جوج مولات قد قد ونقسمو العجين بالتساوي

عليهم وكندخلوهم للفران حتى يطيبو مزيان

و نخرجوهم وملي تاخد كيك بالحامض درجة حرارة الغرفة
نبداو فالتزيين ديالها
دابا نبداو
فمرحلة تزيين كيك بالحامض:
كنحوطو الكيك الاولى فوق طبق التقديم
ونقادو بموس ديال الخبز الوجه ديالها يولي مقاد 


الجزء لي غنحيدوه نعطيوه لوليدات صغار ياكلوه

وندهنو الوجه بالكريم باتيسيير

و نجيبو الجزء الثاني و نحطوه فوقها

ونغطيو الكيك بالكريم باتيسيير من الفوق و جناب

وندخلوها للثلاجة تقريبا 30 دقيقة ملي كنجبدوها

كنبداو نحوطو الكريم باتيسيير
فوقها بشكل فوضوي و اعتباطي

وغيكون التزيين ديالها جميل و سريع
ملي نكملو الوجه و جناب كنقطعو الحامض
على شكل نصف دوائر ونستفوه
فالتحت ديال الكيك


وكنخليو دائرة وحدة ديال الحامض
نقطعوها من جهة وحدة ونديروها
فوق الكيك ديالنا

ونديرو حبات ديال التوت

وهاهيا اليوم تعلمنا نصيبو كيك بالحامض
بالصحة و الراحة جاراتي 

6 تعليقات

اترك رد

Do NOT follow this link or you will be banned from the site!