كيكة سهلة للمبتدئات و شهية بطريقة التحضير والصور

السلام عليكم جاراتي عزازات
باغا تصيبي كيكة ساهلة وبسيطة
و في نفس الوقت شهية ولذيذة
و رائعة كيحبها جميع افراد العائلة

كيكة سهلة

نبداو بسم الله

مقادير كيكة سهلة :

ثلاث بيضات
واحد دانون بنكهة الفاني
(كاس دانون هو لي كناخدو بيه لعبار)
2 كأس من سكر سنيدة
3 كأس من الدقيق
نصف كاس من الزيت
كيس من خميرة الحلوة
عصير نصف حامضة
قشرة نصف حامضة محكوكة

طريقة تحضير كيكة سهلة :

في اناء كنطربو البيض و دانون بالطراب اليدوي
او الكهربائي

من بعد نزيدو سنيدة

ونطربو مزيان ومن بعد نزيدو الزيت

ونطربو مزيان ونخلطو الدقيق و الخميرة ونزيدهم
على الخليط

ونحركوه مزيان ومن بعد العصير و قشرة الحامض

وملي يولي عندنا خليط متجانس نجيبو المول
ديالنا نكونو دهناه بالزبدة و الدقيق

وندخلوها لفران يكون سخون من قبل
طيب ونخرجوها ويلا كان كيعجبك الكوك
ندهنوها بالكونفتير و الكوك من الفوق

وهاهيا بالصحة و الراحة كيكة سهلة 

13 تعليق

ترك تعليق