منشورة من طرف جارتي المديرة

كيكة تاع الشكلاط بالجزر رائعة ورطبة

السلام عليكوم جارتي هاد الكيكة كتجي واعرة ورائعة ورطبة

كنتمنى تجربوها عطيتها بعض الجارات هنا وعجباتهوم

كيكة تاع الشكلاط بالجزر من جارتكم الوفية أم هديـــــل

كيكة تاع الشكلاط

مقادير كيكة تاع الشكلاط بالجزر

كندير فيها كا تاع العنبة تاع خيزو مبشور
ربعة تاع البيضات
كا س الماء ماعمرش تاع العنبة
وبحالو تاع الزيت اي كاس معمرش تاع زيت
كاس ونصف تاع سنيدة عبار بكاس العنبة
عشرة تاع معالق دقيق
جوج خمارات حمرين
كندير كاس تاع خيزو مبشور والبيض والما
وسنيدة وزيت فخلاط الكهرباءي ومن بعد نزيد دقيق عشرة تاع المعالق
وتلاتة معالق تاع الكاكاو بودرة
ونخلطهوم مزييان ونزيد الخمارات جوج

وندهن المول تاعي بزيت وشوية تاع دقيق ونحطها فالفرن على نار مهيلة شوية

ونخاليها منفتح عليها حتى نشوفها طلعات

ودخلها طياب من بعد نزلها لتحت ونخرجها بحال هاد الشكل

كيكة تاع الشكلاط بالجزر رائعة ورطبة

ونخاليه تبرد نمشي ندير شكلاط بحال دانيت

كندير فمولينيكس كاس تاع لحليب العنبة
وجوج معالق تاع سنيدة
ومعلقة تاع نشا
وتلات معالق كاكاو او تلات ساشي تاع الكاكاو

ونخلطهوم فمولينيكس مزيان ومن بعد نردهوم فوق البوطة فكاصرونة ونبقة نحرك نحرك حتى تشوفي دانيت تقال ونطفي عليه ونحطو فوق الكيكة تاعنا

كيكة تاع الشكلاط بالجزر رائعة ورطبة

ونزوقها باي حاجة عندي فالبيت شكلاط ولا فرمسيل ولا للوز فيلي وندخلها تلاجة تبرد

وهاهي كيكة تاع الشكلاط بخيزو رطبة ولذيذة 

كيكة تاع الشكلاط بالجزر رائعة ورطبة

كيكة تاع الشكلاط بالجزر رائعة ورطبة

كيكة تاع الشكلاط بالجزر رائعة ورطبة

كتجي رائعة غي جربوها غتعجبكوم وبالصحة والراحة هاد الكيكة مفضلة عندي

[author image="https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png" ]الجارة أم هديل[/author]

المواضيع المثبثة حلويات طورطات و حلويات الكريم وصفات الجارات وصفات الكيك

17 تعليق

ترك تعليق