كيكة بمذاق البرتقال شهية وجد سهلة

مرحبا جاراتي الحبيبات معانا ونتمناو نكونو تنفيدوكم
كيكة بمذاق البرتقال وصفة جد سهلة ومنساوش شحال
شهية يعني ممكن توجديها فكل وقت لدارك ولحبابك ولضيافك
والمقادير من طبيعة الحال متواجدين فكل بيت بلامانطول عليكم
نتوكلو على الله ونبداو بسم الله

كيكة بمذاق البرتقال

المقادير :

3 البيضات
100غرام سكر سنيدة
نصف كاس صغير زيت
نصف كاش عصير البرتقال
180 غرام دقيق ابيض
2 خميرة الحلوة
كيس الفانيلا
ملعقة كبيرة قشرة البرتقال محكوكة
للسيرو :
كاس كبير عصير البرتقال
كاس كبير سكر سنيدة

طريقة تحضير كيكة بمذاق البرتقال :

نضع البيض السكر والزيت والفاني وعصير البرتقال

ونخلطوهم مزيان حتى يولي الخليط متجانس
وعاد نزيدو الطحين

والخميرة

وقشور البرتقال

ونحركوهم مزيان حتى تولي عندنا عجينة خفيفة
ومتجانسة ونجيبو مول صغير وندهنوه بالزبدة
ونرشوها بالطحين

ونكوبو فيها الخليط ديالنا

وندخلوها للفران نكونو مسخنينو من قبل فحالة كان
عندك فرن كهربائي تسخنيه على درجة حرارة 180
حتى تنضج وتاخد لون احمر زوين وفهاد المدة لي
كتوجد الكيكة ندوزو نوجدو السيرو

فكسرولة نديرو السكر سنيدة وعصير الليمون
ونخليوهم يغلاو لمدة تقريبا 20 دقيقة

ومرة مرة نحركوها ملي نخرجو الكيكة من الفران

نسقيوها بالسيرو لي وجدنا وهي باقا سخونة

والسيرو كيبقا فقط اختيار ممكن تكتفي انك تقدميها
بلا سيرو حتى هي تجي رائعة باذن الله ونقدمو
كيكة بمذاق البرتقال

بالصحة والراحة

كنتمنى تجربوها وتعجبكم

ونالو جزء من صالح دعائكم ولاغلى الناس بالشفاء العاجل
وللاخت كريمة صاحبة الوصفة بكل خير جزاها الله عنا كل
خير في امان الله احبائي

المصدر : صفحة الفايسبوك كدها بالفعل

5 9 PT15M PT50M
وصفات الكيك

9 تعليقات

اترك رد

Do NOT follow this link or you will be banned from the site!