كيكة برقائق الشكلاط ساهلة ومذاق رائع من عند الاخت كريمة

السلام عليكم جاراتي العزازات كيكة برقائق الشكلاط
ساهلة ماهلة ومذاق رائع مضمون بإذن الله والطريقة
مشروحة بالصور لتسهيل عملية الطبخ وتحضيرها جد
سهل حتى للمبتدئات بلا منطول عليكم
نبداو بسم الله

كيكة برقائق الشكلاط

المقادير :

120 غرام زبدة دايبة
120 غرام سكر
120 غرام طحين
40 غرام كاكاو
3 بيضات
1 دانيت شكلاط اولا كراميل
كيس سكر الفانيلا
2 خمارات من وزن 7 غرام
للتزيين :
كلاصاج او شكلاط اسود دايب فحمام مريم
رقائق الشكلاط

طريقة تحضير كيكة برقائق الشكلاط :

فإناء نخلطو بالطراب الكهربائي البيض و
السكر سنيدة والفاني

حتى يولي عندنا خليط ابيض

و متجانس مزيان هادي مرحلة ضرورية جدا ومن
بعد نزيدو كاس ديال دانيت

ونخلطو مزيان وعاد نزيدو الطحين

والكاكاو

والخميرة

ونخلطو كلشي مزيان حتى يولي عندنا خليط متجانس
وفالاخير نزيدو الزبدة دايبة

ونطربو مزيان غيكون عندنا خليط ثقيل شوية وندهنو
المول ديالنا بالزبدة ومرشوش بالفرينة
ونخويو فيه الخليط ديالنا

ونسخنو الفران على درجة حرارة 180 لمدة 30 دقيقة وهاد المدة
تقريبية فقط ممكن تاخد وقت اكثر المهم باش تاكدي انها طابت
خشي فيها موس ويلا خرج ناشف راها طابت وملي تفتر
نحيدو منها المول

وندهنوها بالكلاصاج اولا الشكلاط الاسود
مدوب فحمام مريم

ونزينوها من الفوق برقائق الشكلاط

ونقدمو كيكة برقائق الشكلاط بالصحة والراحة

متنساوناش من صالح دعائكم والاخت كريمة
جزاها الله عنا كل خير وبالشفاء العاجل لاغلى الناس

5 10 PT15M PT50M
وصفات الكيك

10 تعليقات

اترك رد

Do NOT follow this link or you will be banned from the site!