كيكة باللوز و الكركاع رائعة و سهلة التحضير بالطريقة و الصور

السلام عليكم جارتي كيف الاحوال ؟
عندك اللوز و الكركاع و باغا توجدي بيهم
شي حاجة تحمر ليك وجهك قدام ناسك و ضيفانك
جبت ليك كيكة باللوز و الكركاع مذاقها رائع جدا
وساهلة فالتحضير ديالها المقادير كاملين
متوفرين فكل بيت كيكة باللوز و الكركاع
نبداو بسم الله 

كيكة باللوز و الكركاع

كيكة باللوز و الكركاع

مقادير كيكة باللوز و الكركاع :

2 كيسان و نصف طحين 
3 خمارات حلوى 
5 البيضات 
كاس الا ربع زيت
 ربع كاس ما زهر 
كاس فيه الثلث كركاع والثلث زبيب و الثلث لوز 
للتزيين :
لوز و كركاع صحاح 
لوز و كركاع مهرمشين 
عسل 


سيرو :
كاس و نصف سنيدة
كاس ونصف ماء 
كاس ما زهر 

طريقة تحضير كيكة باللوز و الكركاع :

نهرمشو اللوز و الكركاع ونحمروهم فالمقلة

ونقطعو الزبيب
في اناء كنخلطو البيض و الزيت و الما زهر مزيان
وكنزيدو عليهم الطحين و الخمارة ديال الحلوة

ونزيدو فالاخير الكركاع والزبيب و اللوز

ملي نخلطو كلشي مزيان ونجيبو المول ندهنوه بالزيت
و الدقيق ونكوبو العجينة ديالنا

وندخلوها لفران يكون سخون من قبل وفهاد الوقت نوجدو
السيرو نديرو السنيدة والما فوق العافية و نبقاو نحركو وملي يولي
متجانس نحيدوه من فوق العافية ونزيدو فيه الما زهر
ونديرو لوز والكركاع صحاح فالسيرو ومن بعد فالعسل

نديرو تقيبات صغار بالموس ونسقيو الكيكة بالسيرو
والعسل

ونزينو الكيكة باللوز والكركاع لي درنا فالسيرو
و العسل 

ونقدموها بالصحة و الراحة كنتمنى تجربوها 

 

2 تعليقان

اترك رد

Do NOT follow this link or you will be banned from the site!