كيكة باللوز وخل التفاح رائعة لذوق مختلف وجديد بالطريقة والصور

صباح الخير عليكم جاراتي كبف الاحوال؟ هاد المرة جبت كيكة باللوز وخل التفاح
الكركاع والتفاح باش نغيروا المذاق ونجربو شي حاجة جديدة ان شاء الله لي
تعجب الجميع وهي التحضير ديالها سهل فقط تبعي المراحل كيفما هي وان شاء الله
تعجبك وتبقاي توجديها لحبابك
نيداو بسم الله

كيكة باللوز وخل التفاح

المقادير :

125 غرام طحين
كيس خمارة الحلوة
125 غرام سكر
125 غرام زبدة مملحة
2 بيضات
حبة تفاح كبيرة الحجم
10 سنتيلتر خل تفاح خالص
40 غرام رقائق اللوز
30 غرام كركاع

طريقة تحضير كيكة باللوز وخل التفاح كيكة :

اول حاجة كنسخنو الفران ديالنا على درجة حرارة 140
هاد المقادير كتكفي 6 الاشخاص
فزلافة كنديرو طحين والخميرة الكيميائية والسكر ونخلطوهم شوية
وعاد نزيدو عليهم البيض وحنا كنطربو نبداو نزيدو بشوية بشوية الزبدة
تكون واخدة درجة حرارة المطبخ ومن بعد نجيبو تفاحة نقشروها ونحيدو
ليها النواة ديالها ونقطعوها قطع صغيرة ورقيقة ونزيدوها على الخليط ديالنا


ونزيدو خل التفاح ونطربو مزيان حتى يولي عندنا خليط متجانس كنجيبو
المول ديالنا انا ختاريتو بحال هاكا فيه مربعات ندهنوه بالزبدة ونديرو
فدوك المربعات شوية من رقائق اللوز لي نكونو خليناهم على جنب

وممكن جارتي العزيزة ديري غير مول عادي الا متوفرش
عندك هادا ونكوبو فيه الخليط ديالنا

نخليوها طيب فنفس الحرارة لي شعلنا بيها الفران لمدة 10 دقائق ومن بعد نزيد
فالعافية مزيان اولا حتى تولي درجة الحرارة واصلة ل180 ونخليوها
طيب فيها لمدة 20 دقيقة تقريبا على حسب الفرن لي عندك كيف داير
المهم تشوفي الكيكة ديالك تحمرات مزيان

وملي نخرجوها من الفران نخليوها حتى تفتر عاد نحيدوها من
المول باش متهرسش لينا وهي سخونة ونقدمو
كيكة باللوز وخل التفاح بالصحة والراحة

كنتمنى تجربوها وتعجبكم متنساوناش من صالح دعائكم
والدعاء لاغلى الناس بالشفاء العاجل

في امان الله
المصدر : www.ohlagourmandedel.com

4 تعليقات

ترك تعليق