كيكة بالكركاع و الشكلاط

وصفة جديدة تنضاف لوصفات الكيك الرائعة على موقع جاراتي وهي طريقة عمل كيكة بالكركاع و الشكلاط . الوصفة هي للاخت دونيا الله يجازيها بالخير

كيكة بالكركاع و الشكلاط

المقادير :

4 بيضات
100 غرام كركاع مطحون
150 غرام زبدة
150 غرام شكلاط أسود ذائب
200 غرام سكر سنيدة
ملعقة كبيرة كاكاو
ملعقة كبيرة نشا
نصف كاس ماء سخون

للتزيين:

10 أنصاف الكركاع

150 غرام شكلاط أسود

طريقة كيكة بالكركاع و الشكلاط :

نخلطو الماء سخون مع الكاكاو حتا يذوب،

و نضيفو ليه الشكلاط ذائب، الزبدة، السكر،

و أصفر البيض حبة بحبة ثم الكركاع مطحون و النشا

نطربو فإناء آخر أبيض البيض حتا يطلع لينا،

نضيفو النصف ديالو للخليط اللي درنا

و نخلطو بشوة بملعقة خشبية بلا مانخرجو الهواء اللي فالخليط،

و نضيفو النصف الآخر ديال أبيض البيض و نخلطو بنفس الطريقة،

نديرو الخليط فمول مدهون بالزبدة و الدقيق

و ندخلوه للفران يطيب لمدة 35 حتال 40 دقيقة،

نخليوها تبرد 15 دقيقة عاد نحيدوها من المول،

نزينوها بالشكلاط مذوب و الكركاع

كيكة بالكركاع و الشكلاط

بالصحة والعافية

اترك رد

Do NOT follow this link or you will be banned from the site!