كيكة بالفواكه معسلة لذيذة جدا

السلام عليكم جاراتي الغزالات
ان شاء الله تكونو بخير وعلى خير
بغيت نشارك معاكم من موقع moutfou.canalblog
كيكة بالفواكه معسلة
طريقة التحضير ديالها اسهل من سهلة
والمقادير فكل بيت ممكن تحضريها فكل
المناسبات ولضيافك ولحبابكم
ونتوكلو على الله نبداو بسم الله

كيكة بالفواكه المعسلة

المقادير :

4 حبات بيض
100 غرام فرماج ابيض
100 غرام زبدة
8 سنتليتر زيت
1 ياغورت طبيعي
300 غرام طحين
200 غرام سنيدة
2 اكياس خميرة كيميائية
2 اكياس سكر الفانيلا
150 غرام فواكه معسلة
قشرة حامضة محكوكة
معلقة صغيرة ملح

طريقة تحضير كيكة بالفواكه معسلة :

فاناء كنخلطو الحين مع الخميرة وجزء من الملح مع بعضهم
الفواكه معسلة ديالنا نزيدو عليها معلقة ديال سكر سنيدة
وفاناء اخر نديرو الفرماج والجزء المتبقي من الملح والزبدة
ونطربو مزيان حتى يولي بحال الكريما ونزيدو عليها
الياغورت والزيت والسكر ونطربو كلشي مزيان حتى
يولي مزيج كريمي وعاد نزيدو البيضة بالوحدة بالوحدة
ونطربو مزيان وفالاخير سكر الفانيلا وقشرة الحامض
وعاد نزيدو فالاخير الخليط ديال الطحين والخميرة
والملح ونحركو غير بمعلقة حتى تولي عجينة متماسكة
ومتجانسة وفالاخير عاد نزيدو الفواكه المعسلة ناخدو
مول ندهنوه بالزبدة ونرشوه بالطحين ونخويو فيه
العجينة ديالنا وندخلوها لفران نكونو مسخنينو من
قبل وملي طيب نخرجوها

ونقدمو كيكة بالفواكه
معسلة بالصحة والراحة

كنتمنى تجربوها وتنال
اعجابكم ونالو نصيب من صالح دعائكم ولاعز الناس
بالشفاء العاجل ولصاحبة الوصفة جزاها الله عنا كل خير

في امان الله

5 7 PT15M PT50M
وصفات الكيك

7 تعليقات

اترك رد

Do NOT follow this link or you will be banned from the site!