كيش بيشاميل و دجاج بالصور

السلام عليكم شهيوة اليوم سهلة و بسيطة وهي عبارة عن كيش بيشاميل

و دجاج بالصور كيجي خفيف و لذيذ نتمنى يعجبكم و تجربوه

مقادير عجين كيش بيشاميل و دجاج بالصور

300غ طحين فورص
بيضة
ملح
150 غ زبدة بحرارة المطبخ
نصف كاس صغيرماء بارد

نرملوا الطحين مع البيض والملح

نزيد الزبدة والماء ونخدمها مزيان

نخليها ترتاح نصف ساعة فالثلاجة

2بصيلات صغار مشلضين
زويتة بلدية ملح ابزار
الدجاج مقطع مربعات صغار
شوية الزيتون اخضر بلا عضم
2 معالق كبار كريم فريش

نعمل المقلة تسخن نزيد الزيت والبصلة ونخليها تشحر مزيان

نعمل قطع الدجاج يتشحر حت هو وفي الاخير ملي نحس

بيه قرب يطيب نزيد كريم فريش

نخليهم يتشحروا مزيان ويوقفوا من المريقة

نخدم لا صوص بيشاميل لي متكونة من ولي كلشي تبارك الله تيعرف ليها

2 معالق كبار زبدة

2 معالق كبار طحين فورص

400 مليليتر من الحليب السائل

شوية الكوزة محكوكة ملح ابزار

ندوب الزبدة ونزيد الطحين ونخلطهم مزيان باش ميتكورش لي الطحين

بالطبع هدشي تنخدموه فوق عافية مهيلة نزيد الحليب تدريجيا

وانا تنخلط نزيد الملح الكوزة الابزار وانا تنحرك حت نحصل

على خليط ماعاقد ماخفيف

ناخد الحشوة لي وجدت ونخلط معاها لاصوص بيشاميل وقطع الزيتون

ناخد العجين نبسطوا بالمدلك ونلبس المول ديالي بعدما نكون دهنتوا

بشوية الزبدة ونعمل تقوب بالفرشيط ونبدى نعمر فالاطباق الخاصة بالفرن

ملي نسالي نرش عليهم فرماج احمر محكوك وندخلهم للفرن يطيبوا

و ها كيش بيشاميل و دجاج بالصور واجد

بالصحة و العافية

اللهم ادمها نعمة واحفضها من الزوال