كاتشب كيك

كاتشب كيك رائع شكلا و مذاقا 6

اليوم جبت ليكم  كاتشب كيك من داكشي
لي كايبان صعيب ولايني مع التفاصيل
لي غنوريها ليك غتلقايها جد سهلة باذن الله

كاتشب كيك

نبداو بسم الله

مقاديركاتشب كيك :

500 غرام دقيق
2 ملعقة صغيرو خميرة الحلوى
ملعقة صغيرة و نصف قرفة
نصف ملعقة صغيرة جوزة  الطيب محكوكة
نصف ملعقة صغيرة زنجبيل او سكنجبير
نصف كاس او 125 مليليتر كتشاب
125 مليلتر ماء
2 ملعقة صغيرة ملون غذائي احمر
175 غرام زبدة
375 غرام سكر بني
2 بيضات
تشيز كريم او كريم باتيسيير

طريقة التحضير  :

اول حاجة كنبداو فيها باش نوجدو كاتشب كيك


كناخدو اناء وكنخلطو فيه الدقيق و القرفة
و جوزر الطيب و الزنجبيل خميرة الحلوى
وبيكربونات الصودا ونخلطوم مع بعضياتهم


فاناء اخر كنخلطو الكاتشب و الماء و الملون الغذائي

ونمزجوهم جيدا

من بعد


كناخدو الزبدة ديالنا كنخفقوها شوية بالطراب
حتى كتولي خفيفة وكنزيدو عليها السكر البني


ونطربو بالطراب مزيان
ونزيدو عليه البيض وحنا كنطربو

ملي كيولي خليط متجانس كنزيدو عليه نصف كمية الخليط  لي
وجدنا فيه الدقيق و المكونات الاخرى و ايضا نصف
كمية الخليط لي وجدنا بالكاتشب

وملي يتخلطو مزيان نزيدو
عليهم ما نبقى من الخليطين حتي كتولي عجينة متماسكة و لونها جد رائع

من بعد كنقسمو الخليط على جوج طاوات مدهونين
بالزبدة و الدقيق

وندخلوهم  يطيبو في فران سخون مزيان

ملي كطيب نخرجوها تبرد وتاخد حرارة المطبخ لمدة 20 دقيقة


كنبداو فمرحلة تزيين الكاتشب كيك:

فطبق التقديم كنحوطو الكيكة الاولى
وكندهنوها بتشيز كريم او الكريم باتيسيير

وكنزيدو الجزء الاخر

وندهنو من لفوق والجناب


وكندخلوها للثلاجة باش الكريم يشد راسو مزيان
لمدة دقائق وكنخرجوها من بعد باش نديرو طبقة ثانية


وكنديرو شوية الكريم في جيب الحلواني وكنديرو بيه
وريدات خفافات من فوق كاتشب كيك ديالنا


وكنديرو فوق الوريدات عقيق ديال الحلوة يكون حمر

وهاهيا جارتي بالصحة والراحة

وكانتمني تجربيها وتعطيني رايك

6 Comments

  1. bsalamo3alaykom tbarklah 3la lokht lisaybat had lgateaux bayna fih zwin lah ikhlik ila ma3tena kayfiyat thdir hadik lkrema lisaybti flhlwa lah ijazik bikhir

    1. مقادير كريمة
      16 مربع فرماج كيري
      3 علبة قشطة
      باكية كريمة دريم ويب
      كاس كبير حليب بودره
      ملعقة كبيره جيلاتين مذوبة بكاس ماء دافئ
      نخلطهم مع بعض بالخلاط حتى يتجانس الخليط ونضعه في الثلاجه لمدة نصف ساعه او ربع ساعه فالفريكو

  2. salam jarti l3ziza lah ikhlik chnahya kremat dem web wfin nl9aha ana ma3aychach flmghreb lah ikhlik wchokran

    1. وعليك السلام اختي امال موجودة في محلات السوبر ماركت (بودرة في صاشيات)

  3. kataslah la3yad lmilad machaallah lah irham man 9arak

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *