كومير بالبيض مقلي شهيوة اقتصادية و مذاقها كيهبل

السلام عليكم جارتي كومير بالبيض مقلي كيبقى ليك
الكومير فالدار شيط بزاف جارتي الغالية اجي نوريك كيف
ديري ليه و تستغليه ومتلوحيهش ويتكال ليك وكيجي شهوة
منو ومقرمش و المذاق ديالو منتناقشوش فيه و سهل التحضير
ماتحتاجيش طاقة بزاف باش توجديه و المقادير كاملة عندك فالدار

كومير مقلي بالبيض

نبداو بسم الله

مقادير كومير بالبيض مقلي :

كومير مقطع
3 البيضات
كاس كبير حليب
زيت للقلي
للتزيين :
سكر كلاصي

طريقة تحضير كومير بالبيض مقلي :

الكومير انا قطعتو طويل جارتي تقدري تقطعيه نتي بالشكل
لي بغيتي ممكن دوائر صغار على حسب شحال بقا ليك
في اناء كنكوبو الحليب ونديرو فيه الكومير

ومن بعد نديروه فالبيض مطرب

ومن بعد نديروه يتقلى فمقلة فيها الزيت سخون مزيان وملي نكملو
الكمية ديالنا كاملة ديال الكومير كنزينوها بالسكر كلاصي
و هاهوا جارتي الكومير بالبيض مقلي بالصحة و الراحة

كنتمنى تجربيه كيجي رائع ومتنساوناش بالدعاء ديالكم

8 تعليقات

اترك رد

Do NOT follow this link or you will be banned from the site!