كوكيز بالطريقة الامريكية بالصور

اهلا جاراتي العزيزات كيف الاحوال ؟
كوكيز بالطريقة الامريكية مقدم من
مطبخ ليلى كاميل بطريقة جد سهلة
والمقادير متوفرة فكل بيت ان شاء الله
تقدموها فحفلات اعياد الميلاد والويلادات
ديالكم ياخدوه معاهم للمدرسة
نتوكلو على الله ونبداو بسم الله

كوكيز بالطريقة الامريكية

المقادير :

220 غرام زبدة لينة
كاس سكر سنيدة
كاس سكر بني
2 حبات بيض
معلقة صغيرة خمارة
2 كيسان دقيق ابيض
ملعقة صغيرة فانيلا
كاس شوكولا حبيبات صغار

تحضير كوكيز بالطريقة الامريكية :

فاناء نديرو الزبدة والسكر والفانيلا

ونخلطوهم بالطراب الكهربائي حتى يولي
كريمي ونزيدو حبة بيض

ونخلطو مرة اخرى وعاود نزيدو الحبة الثانية
ديال البيض

ونعاودو نطربو وفالاخير نزيدو الدقيق
والخمارة

ونخلطوهم بمعلقة ديال الخشب اولا ايدينا
غير نخلطو منعجنوش وملي تولي عندنا
عجينة متماسكة ولينة وعاد نزيدو الشكولاتة
ونخلطوهم بمعلقة منديروش ايدينا باش
ميتاترش الشكلاط بالحرارة ديال ايدينا

ونخليو العجينة ترتاح لمدة 10 دقائق ومن بعد
نجيبو معلقة كبيرة اولا الملعقة لي كنهزو بيها
الكلاص ونهزو بيها العجينة وكل وحدة نحطوها
فوق طاوة مدهونة بالزيت ومرشوشة بالطحين

ونبقاو بحال هكا حتى نكملو الكمية كاملة
وندخلوها لفران نكونو مسخنينو من قبل
على درجة حرارة 180 وطيب لمدة 20 دقيقة
ونقدمو كوكيز بالطريقة الامريكية بالصحة والراحة

كيرافق جميع المشروبات نتمنى تنال اعجابكم
ونالو نصيب من صالح دعائكم ولاعز الناس بالشفاء
العاجل ولصاحبة الوصفة جزاها الله عنا كل خير

في امان الله

5 11 PT15M PT50M
حلويات كوكيز

11 تعليق

اترك رد

Do NOT follow this link or you will be banned from the site!