كوطليط بالروز

كوطليط بالروز من شهيوات عيد الاضحى 1

السلام عليكم غدي نقدم ليكم طبق خفيف بلحم الغنمي كوطليط

بالروز من شهيوات عيد الاضحى كيجي لذيذ و بنين 

كوطليط بالروز

مقادير و طريقة تحضير كوطليط بالروز 

اولا ناخدو طريفات من الضلعة نوضعوهم فايناء نزيدو ليهم شوية زعفران تحميرة

سكين جبير خرقوم ابزار شوية ربيع مقطع نص معلقة صغيرة موطارد

ملح شوية قزبر حبوب معلقة صغيرة من ليقامتي الخاصة باللحم

2 فصوص ثومة مدقوقين شوية زيت العود نخلطو الكل

نخليوهم ساعتين تقريبا باش دخل ليهم شرمولة

من بعد نوضعوهم فطاوة مفرشة بورق المنيوم نغطي عليهم ندخلهم الفران

او نمشيو نوجدو الروز ديالنا نحك 2 مطيشات صغار مع بصلة نوضعوهم

فلكوكوط نضيف ليهم شوية ربيع ورقة موسى ملح سكين جبير

خرقوم ابزار تحميرة شوية زعفران نديرو لكل فوق العافية

من بعد ما يتقلاو نمرق 2 كيسان و نص عنبة و نزيد فلكوكوط ديك لمريقة

ليطلقاتها ضلعة مين نحيد عليها ورق المنيوم

نرجعو ندخلوها لفران تحمر نقصو عليها العافية باش تجي نيشان مع الروز

نضيف للمرق كاس الروز و نسد لكوكوط مدة ربع ساعة

فطبق نضع الروز نزوقوه من فوق بطريفات ضلعة محمرين وريقات موسى

 بالصحة و الراحة

One Comment

  1. RAI3 MAN CHOFA OU MAN DAW9 BAYAN LDIDE CHOKRAN LIK

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *