كريب بالكفتة والفرماج فالفران وصفة اكثر من رائعة

السلام عليكم جارتي اشنو رايك هاد المرة نجربو
كريب بالكفتة والفرماج شي حاجة مختلفة عن العادة
و في نفس الوقت جد شهية و سهلة التحضير

كريب بالكفتة و الفرماج

نبداو بسم الله

مقادير كريب بالكفتة والفرماج :

مقادير الكريب :
80 غرام دقيق
2 بيضات
ربع لتر حليب
معلقة زبدة دايبة
الملح
الابزار
زبدة
سنيدة
مقادير الحشوة :
كفتة
بصلة مشلضة
معدنوس
فص ثوم
صوص ديال مطيشة
ملح
ابزار
تحميرة
زيت
الفرماج

طريقة تحضير كريب بالكفتة والفرماج :

نبداو بتوجاد الكريب فالخلاط نديرو الدقيق و البيض
و الحليب و الزبدة دايبة و شوية الملح و الابزار ونطحنو
مزيان  

ملي نبدا نطيبو فيه ندوبو شوية الزبدة ونزيدو عليها
شوية السنيدة ونخلطو ندوب سنيدة فالزبدة وناخدو قطنة
ونديروها فهاد الخليط وندهنو بيها المقلة ديالنا ونكوبو مغرفة
ديال العجينة و نطيبوها تنكملو الكمية كاملة ديال العجينة

وندوزو نصيبو الحشوة ديال كريب بالكفتة والفرماج
كنشحرة البصلة فالزيت من الاحسن يكون زيت الزيتون ملي
ترخا نزيدو عليها الثومة و المعدنوس و ابزار التحميرة و الملح

 

ونزيدو الكفتة ونطيبوها مزيان

من بعد ندوزو المرحلة ما قبل الاخيرة كناخدو كرصة من الكريب
ونديرو فوقها الكفتة لي وجدنا

 

ونجيبو كرصة اخرى ونديرها فوق الاولى و نديرو فوقها الحشوة

 

و نلويوها انا قطعتها تقدري تخليها كفما هيا ونستفوهم فالطبسيل
لي غادي يدخل للفران

ونكوبو فوقهم صوص ديال مطيشة

 

ونحوكو فوقهم الفرماج

 

وتقدري ديري جارتي حتى الفرماج ديال السندويش او فرماج مثلثات
حتى هوما كيجيو جميلين وندخلوهوم الفران غير يدوب الفرماج و
نخرجوه
وهاهوا كريب بالكفتة والفرماج بالصحة و الراحة 

2 تعليقان

اترك رد

Do NOT follow this link or you will be banned from the site!