كرواصة على شكل ظفيرة

شكل جديد من أشكل الكرواسون ، وهي كرواصة على شكل ظفيرة

كرواصة على شكل ظفيرة

المقادير

نصف كيلو دقيق
2ملاعق كبار و نصف خميرة عادية
ملعقة صغيرة ملح
كاس زيت
بيضة كاملة + أبيض بيضة
ملعقة كبيرة سكر
نصف كاس حليب
جنجلان للتزيين

الطريقة

نخلطو جميع المقادير حتا تجمع لينا العجينة، و ندلكوها مزيان مدة 4 حتال 5 دقايق،

حتا تولي رطبة و متجانسة، نغطيوها و نخليوها تخمر حتا يتضاعف حجمها

منين تخمر نعاودو ندلكوها مرة اخرى،

نشكلو منها 3 قضبان و نضفروهم ظفيرة عادية كيفما فالصورة

و نخليوها تخمر ثاني مدة 30 دقيقة

ندهنوها بأصفر البيض اللي شاط لينا مع ملعقة حليب و نرشوها بالجنجلان،

ندخلوها للفران سخون من قبل،

و نخليوها تطيب مدة 20 دقيقة علا الأقل حتا تحمر

وهاهي كرواصون ديالنا بالصحة والعافية

source : sousou culinaire

2 تعليقان

ترك تعليق