كب كيك سهل بالطريقة والصور

السلام عليكم جاراتي ان شاء الله تكونو بخير وعلى خير
هاد المرة جبت ليكم كب كيك سهل فطريقة التحضير
ديالهم وكذلك المذاق ديالهم ان شاء الله يكون زوين
يليقو فالمناسبات وبالخصوص اعياد الميلاد ديال الوليدات
صغار وايضا يديوهم معاهم للمدرسة
نتوكلو على الله ونبداو بسم الله

كب كيك سهل

المقادير :

100 عرام زبدة
100 غرام سكر سنيدة
100 غرام طحين
40 غرام كاكاو او شكلاط بودرة
2 حبات بيض
خمارة ديال الحلوة
2 معالق كبار حليب
للتزيين :
كريم شانتيي بودرة
ربع لتر حليب
ملونات غذائية
عجينة السكر

طريقة تحضير كب كيك سهل :

في اناء كنطربو الزبدة

والسكر مزيان حتى يعود خليط ابيض متجانس

ونزيدو ليه البيض

من بعد ونضيفو ليه الكاكاو او الشكلاط بودرة
والطحين

ونخلطو بالطراب حتى يولي خليط متجانس

ونديروها فكويغطات وفمول ديال كب كيك

باش يجي الشكل ديالها مقاد وندخلوها لفران
مسخنينو على درجة حرارة 180 لمدة تقريبا 25
دقيقة ممكن تحتاج اكثر وممكن تحتاج اقل ونوجدو
الكريم شانتيي الحليب خاصو يكون بارد مزيان ونزيدو
عليه كريم شانتيي بودرة ونطربو بالطراب الكهربائي
حتى يولي القوام ديالها كثيف

ونقسموها على ثلاثة الاجزاء كل واحد ضفت عليه
ملون غذائي الاول خليتو ابيض الثاني اللون احمر غير
قطرة باش يعطينا اللون الوردي

وكذلك اللون الاخضر قطرة منو باش يعطينا اللون الاخضر
فاتح وممكن تحكمي فدرجة الالوان كيفما حبيتي جارتي
العزيزة وناخدو عجينة السكر

ونوجدي بيها زهرات وفراشات قلوب المهم اشكال
مختلفة وملي نخرجو الكب كيك من الفران

نخليوها حتى تبرد وتاخد درجة حرارة المطبخ وعاد
نزينوهم بالكريما ديالنا لي نكونو درناها فجيب الحلواني

ونزوقو من الفوق بعجينةالسكر ل وجدنا

ونقدمو كب كيك سهل بالصحة والراحة

الا عجباتكوم نتمناو نالو نصيب من صالح دعائكم
ولصاحبة الوصفة الاخت كريمة جزاها الله عنا كل
خير ولاعز الناس بالشفاء العاجل

المصدر : صفحة فايسبوك كدها بالفعل

4.5 7 PT15M PT40M
وصفات الكب كيك

اترك رد

Do NOT follow this link or you will be banned from the site!