كب كيك بمسحوق الشاي الاخضر بالطريقة مصورة سهلة جدا

السلام عليكم جاراتي الغزالات
اليوم قررت نقدم ليكم
كب كيك بمسحوق الشاي الاخضر وصفة جميلة
جدا ومذاق اجمل

ماتشا كب كيك

نبداو بسم الله

مقادير كب كيك بمسحوق الشاي الاخضر  :

مقادير العجين:
180 غرام دقيق

120 غرام سكر سنيدة
معلقة صغيرة و نصف خميرة الحلوة
نصف معلقة صغيرة ملح
معلقة صغيرة مسحوق الماتشا (مسحوق الشاي الاخضر )
60 غرام زبدة مقطعة مكعبات
2 بيضات كبار
60 مليلتر حليب
نصف معلقة صغيرة مستخلص الفانيلا

مقادير كريم الحامض:
360 غرام سكر صقيل
60 غرام زبدة
2 معالق كبار قشرة الحامض محكوكة
3 معالق كبار عصير الحامض
2 معالق كبار حليب

طريقة تحضير كب كيك بمسحوق الشاي الاخضر :


اولا نديرو في اناء الدقيق و السكر سنيدة
و الخميرة و الملح و مسحوق الماتشا
(موجود في محلات صنع الحلويات)

كنخلطوهوم بالطراب ملي يتخلطو مزيان


نزيدو عليهم الزبدة كيولي عندنا الدقيق مرمل

في اناء صغير كنديرو الحليب الفانيلا و
البيض ونخلطوهم

ونبداو نزيدو بشوية بشوية على الدقيق

و فنفس الوقت كنطربو حتى كيولي عندنا خليط متجانس

وكنجيبو الكويغطات ديالنا ونعمرو فقط الثلثين بالعجينة
ديالنا

ندخلوهوم للفران لمدة 20 تال 25 دقيقة بدرجة حرارة 350
وهاكدا كملنا المرحلة الاولى من توجاد
كب كيك بمسحوق الشاي الاخضر

لتحضير كريم الحامض للتزيين :

كنطربو الزبدة بالطراب الكهربائي مزيان

نزيدو شوية السكر الصقيل و شوية عصير الحامض

ونطربو وملي نكملو الكمية كاملة ديال السكر
الصقيل و عصير الحامض نزيدو قشرة الحامض
ومعلقة او جوج ديال الحليب

ونبقاو نطربو تيولي جاهز ونديروه فالجيب الحلواني
من بعد نجيبو كب كيك ديالنا ونديرو الزواقة لي عجباتنا و بالشكل
لي بغينا

فهادي بديت بجناب ومن بعد الداخل
ومن فوق الوردة دالنا درت شوية قشرة الحامض

وهاهيا جارتي كب كيك بمسحوق الشاي الاخضر  بالصحة و الراحة 

اترك رد

Do NOT follow this link or you will be banned from the site!