قريشلات بزرارع لذيذة وصحية بالصور

السلام عليكم جاراتي الغزالات ان شاء الله
تكونو على خير هاد المرة قريشلات بزرارع
كيجيو لذاذ وصحيين من مطبخ الاخت
فاطمة fatimato cuisine تحضيرهم فمناسبة
عاشوراء وحتى فالايام العادية طريقة التحضير
جد سهلة والنتيجة ان شاء الله جد مذهلة الا
تبعتي الطريقة كيفما مشروحة
نتوكلو على الله ونبداو بسم الله

قريشلات بزرارع

المقادير :

1 كاس زيت المائدة
150 غرام زبدة
معلقة كبيرة سكر صقيل
500 غرام دقيق ابيض
500 غرام قمح
زلافة زنجلان ونافع
ماء للعجن

طريقة تحضير قريشلات بزرارع:

كنخلطو المكونات كاملة وكنزيدو عليه شوية الما
ونعجنو حتى تولي عندنا عجينة متجانسة ومتماسكة
ورطبة ونخليوها ترتاح لمدة تقريبا 10 دقائق

من بعد نقسمو العجينة على شكل
كويرات ونحولوهم لقضبان

ونقطعهم على شكل مكعبات اولا الشكل لي
بغيتي ونكونو داهنين الطاوة بالزيت والعجينة
لي قطعناها نديروها فالطاوة

وندخلوها لفران نكونو مسخنينو من قبل حتى
تحمر ونقدمو قريشلات بزرارع بالصحة والراحة

كنتمنى تجربوها وتعجبكم ونالو نصيب من صالح دعائكم
ولاغلى الناس بالشفاء العاجل ولصاحبة الوصفة
جزاها الله عنا كل خير

في امان الله

5 10 PT15M PT50M
حلويات قسم عاشوراء

10 تعليقات

اترك رد

Do NOT follow this link or you will be banned from the site!