فولوفون بالكفتة والجبن

فولوفون بالكفتة والجبن بالصور 19

وصفة جديدة أقدمها لكم جاراتي هي وصفة فولوفون بالكفتة والجبن ، اللي ماعرفتش شنو هي فولوفون فهي وصفة فرنسية الأصل عبارة عن نوع من المعجنات ذات شكل أسطواني يتم تحضيرها باستعمال العجينة المورقة وتكون معمرة باللحم المفروم الكفتة ، أو حشوة مشابهة . وسام فولوفون بالفرنسة يكتب كالتالي Vol-au-vent اللي بغات تبحث على الوصفات ديالها في مواقع أجنبية

فولوفون بالكفتة والجبن من الجارة Lamarti

فولوفون بالكفتة والجبن

مقادير العجين :

نحتاج إلى العجين المورقة

بالنسبة لمعندهاش طريقة تحضير العجينة المورقة

هاهي طريقة سهلة ومن اقتراح الأخت lamarti

العجين المورق بالمراحل والصور
https://www.jaratii.com/recipe/15526

مقادير الحشوة

بصلة واحدة
اللحم المفروم
المعدنوس
صلصة الطماطم
زيتون أخضر مقطع
ملح
الإبزار
سكينجبير
الزيت
والجبن

طريقة تحضير فولوفون بالكفتة :

فمقلة كنشحروا البصلة مشلضة مع الكفتة والقليل من الزيت والملح والإبزار وسكينجبير والمعدنوس

حتى كتشحر الكفتة مزيااان وكنطفيو البوطة

ونعملو الخليط فشي إناء كنضيفوا عليه صلصة الطماطم وقطع الزيتون وكنحتفضوا بالحشوة على جنب

كنشدوا العجين المورق كنطلقوها بالمدلك ونقطعوها دوائر

وكنشدوا نصف كمية الدوائر كنعملو فوسطها دائرة أصغر وكندهنوهم بأبيض البيض

وكنعملوا واحدة فوق الأخرى وكندهنوا الوجه بأصفر البيض وكندخلوهم الفران غير يتنفخوا وكنجبدوهوم

نعمروهوم بالحشوة وندخلوهوه من جديد باش يكملوا الطياب

وكنعملوا الجبن وندخلوهم غير يدوب وها فولون بالكفتة والفروماج دياولك واجدين

أنا عملت شكل آخر بنفس الحشوة والعجين

وبالصحة والراحة

19 Comments

  1. شكرا على الوصفة ،

    وعذرا على التأخر في النشر

  2. كايبانو هائلين وينفعو في مائدة الافطار في رمضان تبارك اللّٰه عليك الله يعطيك الصحة

    1. العفو أجارتي

    2. بارك الله وفيك أختي omya7ya

  3. تبارك الله عليك اختي،وصفة رائعة.

    1. بارك الله وفيك أختي عائشة هذا من ذوقك

  4. حقيقة روعة ان شاء الله نجربوها وخصوصا الشهر الفضيل قرب بس بغيت العجينة معمولة في البيت وشكراا

    1. أختي أم لمياء راني حضرتها فالبيت وراه مع الوصفة كاين رابط فيه طريقة تحضير العجين

    2. Kolchi tay3jabni tbaklah 3likom

  5. sà)alam ajarti brit nsaolak 3afak wach momkin ndiro ka3b rzal b kawkaw momkin walala

    1. Smhili ajarti walah ma3raft man9adarch n9olk chihaja mamakdach mnha ntmna thati talab dyalk fminbar otlbi wasfatk

  6. الله يعطيك الصحة وصفة هائلة الشهر رمضان

    1. بارك الله وفيك اختي ام يحيى

  7. hadchi 3andak mzian walakin la pate feuillter 3andak m3ajna matl3atch mzian

    1. مرحبا بكل الأراء

      1. Tbakllah

  8. جزاك الله خيرا من فضلك حشوة الفولفون بالدجاج. شكرا

    1. الله يبارك فيك جارتي نهاد هاهي الوصفة

      طريقة عمل الفولوفون بالدجاج والجبن بالصور
      http://www.jaratii.com/recipe/18403

      وأي طلب أنا في الخدمة

  9. رووووعة هادشي، ياريت لو عندك ڤولوڤون بالطن تقدميه لينا حبيبتي?

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *