فقاص بسيط وسهل بمقادير متوفرة

قائمة المحتويات

ليوم جبت ليكم فقاص جد سهل وبمقادير بسيطة و مذاقو شهي و لذيذ

فقاص بسيط وسهل

نبداو بسم الله

المقادير :

زلافة بيض

زلافة زيت

زلافة سنيدة

زبيب او لوز او زنجلان او حبة حلاوة و النافع

الا ختاريتي اللوز تاخدي الكمية لي بغيتي يكون خضر

مامسلوق ما والو و كل لوزة تفكيها على جوج

الطحين حسب الخليط

طريقة التحضير :

كناخدو زلافة كنعمروها بيض تقدر توصل تال 9 او 10 بيضات

لمهم تعمري الزلافة  تعبري الزيت و السنيدة فين وصل البيض فديك الزلافة

انا درت زنجلان و الزبيب ونتي جارتي لكي حرية الاختيار

كنخلطو كلشي فقصرية حتى يولي خليط متجانس

نبداو نضيفو الطحين بشكل تدريجي حتى كنحصلو على

عجين متماسك قاصحة شي شوية

من بعد كندهنو ايدينا بالزيت و ناخدو شوية العجينة نلولبوها

ونديروها على شكل كوميرة حتى نكملو العجينة لي عندنا

ونستفوهم فوق طاوة مدهونة بالزيت

فزلافة كنديرو بيضة و معلقة صغيرة قهوة سريعة الذوبان

ونطربوهم مزيان

وناخدو شيتة ويلا ماكانتش ندهنو بيدينا لمهم هاد الكوميرات يدهنو مزيان

وترسمي فوقهم جارتي الشكل لي ولا الزواقة لي بغيتي بفورشيطا

كادخليهم الفران تيطيبو مزيان هاهوما ملي خرجو من الفران

كنشدو منديل يكون كبير من الطاوة تسرديه جارتي وتعصريه مزيان و تغطي بيه

الطاوات كنديرو ليه هاكا باش ملي نبداو نقطعو فيه مايتهرسش لينا

اليوم التالي كنقطعوه ونستفوه فطاوة و ندخلوه الفران

وهاهوا جارتي ملي خرج من الفران

بالصحة و الراحة

ماتنساوناش من دعواتكم

2 تعليقان

اترك رد

Do NOT follow this link or you will be banned from the site!