فطيرة الديك الرومي والجبن شهية

السلام عليكم جاراتي
فطيرة الديك الرومي والجبن
من الوصفات اللذيذة و المحببة من طرف
الجميع وكذلك سهولة الحصول على
مكوناتها المتوفرة في جميع المحلات التجارية
نبداو بسم الله

فطيرة الديك الرومي والجبن

مقادير  فطيرة الديك الرومي والجبن :

مقادير العجين :
زلافة دقيق
 رشة ملح
 ملعقة سكر
 نصف ملعقة خميرة
2 معالق زيت 
زعتر مطحون 
ماء للعجن 

مقادير الحشوة:

حبة من الطماطم مقشرة ومنزوعة البذر
بصلة صغيرة الحجم مقطعة
 نصف فلفلة حلوة مقطعة
ملح
ابزار 
زيت زيتون
زعتر
 ملعقة من الطماطم المعلبة
قطع من الديك الرومي
بصلة مشلضة
 زيت
ملح
 فلفل اسود
 جبن موزريلا
للتزيين :
اصفر البيض 
الحبة السوداء او الزنجلان 

طريقة تحضير فطيرة الديك الرومي والجبن:

فاناء نديرو الدقيق و الملح و السكر و الخميرة
و الزيت و الزعتر مطحون ونجمعوه بالما دافي
ونخليوها ترتاح بيلما وجدنا الحشوة ديالنا
فالاول كنوجدو صلصة الطماطم كناخدو الطماطم
و البصلة و الفلفلة و الملح و الابزار و الزعتر و
الطماطم المعلبة ونديروهم فخلاط يطحنو وملي
يتطحن كلشي مزيان نديروه يطيب فوق العافية
وفمقلة اخرى نشحرو البصلة  فالزيت مع الملح
والابزار من بعد نزيدو الديك الرومي وملي يطيب
نخلويه ياخد درجة حرارة المطبخ
من بعد ناخدو العجينة ديالنا نسرحوها بالدلاك
و نديروها فالطاوة لي غاديا دخل للفران وتكون
مدهونة بالزيت
نديرو صلصة الطماطم فوق نصف العجين

ومن فوقها قطع الديك الرومي

وجبن الموزريلا

والجبن جارتي تقدري ديري اي نوع متوفر عندك
وتطويو النصف الاخر ديال العجينة من بعد ما درنا
فيها خطوط بالجرارة ديال الشباكية ونجمعو جناب
ديالها بالبيض و ندهنو الوجه ديالها باصفر البيض
ونرشوها بالزنجلان او الحبة السوداء 
من الفوق

وندخلوها للفران يكون سخون
و ملي طيب نخرجوها وهاهيا جارتي
فطيرة الديك الرومي والجبن كنتمنا تجاربيها

 بالصحة و الراحة 

تعليق واحد

ترك تعليق