فطيرة التفاح رائعة و سهلة المقادير

السلام عليكم جاراتي كيف احوالكم ؟
هاد المرة جبت ليكم وصفة فطيرة التفاح
من اروع الفطائر و كتليق بجميع المناسابات

فطيرة التفاح


نبداو بسم الله

المقادير:

عجينة فطيرة التفاح :
300 غرام دقيق
نصف كاس ماء بارد
250 غرام زبدة باردة
معلقة صغيرة ملح
معلقة صغيرة سنيدة

الحشوة :

50 غرام سكر سنيدة
1300 غرام تفاح مقشر مقطع رقيق
معلقة صغيرة قرفة
ربع معلقة صغيرة جوزة الطيب (الكوزة)
ملح
2 معالق كبار عصير الليمون

للتزيين :

اصفر بيضة
معلقة كبيرة قشدة طرية


 كيفية تحضير فطيرة التفاح :

كنبداو بالعجينة هيا الاولى

بطراب كنخلطو الدقيق و الملح
و السنيدة كنزيدو الزبدة ملي
كيولي عندنا الدقيق مرمل


كنزيدو الماء بارد ملي كتخلط
مزيان كنديروها بين صبعانا
نلقاوها رطبة

كنقسموهاعلى جوج


ونديروها فكيس بلاستيكي

ونكرصوها بايدينا وهيا فالكيس البلاستيكي
ونديروها لمدة ليلة كاملة فالثلاجة
من بعد كنجبدوها

ونطلقوها فوق سطح مرشوش بالدقيق

كندروها فالمول ديالنا كان عندك
ديال الزاج و يكون غارق باش يهز
لينا الكمية ديال التفاح كاملة لي عندنا
نحيدو جناب بموس اولا مقص ونعادو ندخلوها للثلاجة

نوجدو الحشوة دابا

في اناء نديرو فيه التفاح لي كنا
درنا فالثلاجة قبل نزيدو عليه
القرفة السنيدة عصير الليمون
و الملح و الكوزة محكوكة ونخلطو مزيان
من بعد نجبدو العجينة من الثلاجة
ونديرو فوقها الحشوة


و نبسطو الجزء الثاني ديال العجينة
ونحوطوها فوق الحشوة

ونقطعو جناب وندخلوهوم الداخل

ونبداو نجمعوها بصبعانا منها نديرو زواقة

و منها تبقا لينا العجينة مجموعة وكنديرو
فتيحات بالموس فالعجينة

مرحلة تزيين فطيرة التفاح:

كنخلطو مزيان اصفر بيضة و القشدة الطرية
وندهنو بيها وجه الفطيرة والعجينة لي شاطت
لينا من جناب كنسرحوها بالدلاك و كنقطعوها بمقطع
على شكل تفاحة وتقدرو تستعملو اي مقطع بغيتو
اولي كان عندكم وكنحطوهم فوق فطيرة التفاح
ونروشو عليها السنيدة من الفوق باش تعطينا لون
و مذاق رائعين ملي تخرج من الفران
وندخلوها لفران درجة الحرارة ديالو 450
لمدة 25 دقيقة من بعد هاد 25 دقيقة
كنهبطو الحرارة تال 375 وتبقى طيب
لمدة ساعة
هاهيا فطيرة التفاح بالصحة و الراحة جاراتي 

 

2 تعليقان

ترك تعليق