فطائر معمرة بالفواكه شهوة منها لوجبة اللمجة و ايضا للمناسبات

السلام عليكم جارتي
جبت ليكم هاد المرة فطائر معمرة بالفواكه
كتجي لذيذة جدا وتحمر ليك وجهك
مع ضيافك وبالصور باش يسهال عليكم
جارتي تحضريها

فطائر معمرة بالفواكه

نبداو بسم الله 

مقادير فطائر معمرة بالفواكه :

2 تفاحات
6 ديال مشمشات يابسين
معلقة كبيرة ديال زبيب
العجينة المورقة
3معالق كبار سكر سنيدة
 معلقة ديال القرفة
 بيضة لذهن
 معلقة ديال زبدة

طريقة تحضير فطائر معمرة بالفواكه : 

كنديروا فالمقلة معلقة ديال زبدة و معلقة و نص
سكر و قرفة و التفاح نكونو قشرناه و قطعناه
طريفات صغار  نحركوه شوية

 

نضيفو ليهم المشماش و الزبيب و نخلهم يتعسلو

 

كندلكو العجينة بالدلاك و نبركو بالكاس بلا مانتقبو
العجينة ديالنا ونديرو معلقة كبيرة ديال الحشوة 

 

كنديرو الطرف الثاني ديال العجينة  فوق الحشوة
ونقطعو

نديروالمورقات بالفواكه فالطاوة ونشرط
بالموس وندهنهم بصفر البيض وندردر
 شوية السكر على الفطائر معمرة بالفواكه 

 

 وندخل فطائر معمرة بالفواكه لفران يطيبو
وهاهيا جارتي بالصحة و الراحة كنتمنى تجربيهم 

تعليق واحد

ترك تعليق