فطائر مشكلة لفطور العيد اوالضيوف

الجارات مبروك عواشركوم وكل سنة ونتم طيبين كاع مغربيات خارج المغرب وداخل المغرب تعيدو وتعاودو وبكل متمنيتو

اليوم جبت ليكوم فطائر مشكلة زوينين لفطور العيد او ضيوف

فطائر مشكلة لفطور العيد

مقادير العجين :

نصف كيلو دقيق
معلقة تاع الخل
كاس تاع الزبدة مدوبة كا العنبة
رشة الملح
راس معلقة تاع خميرة
خميرة حمرا وحدة
والماء دافئ لجمع العجينة

الحشوة:

 شكلاط

مربى

كريم بتيسري

فرماج حمر

مربعات  كيري

كنورقو لعجين بحال لي فصورة

كنقادو لحشوة ديالنا فوق العجين بحال كيفما كتشوفو جاراتي

وكنغطيها بلعجينة من لفوق

كتاخدي لمرشم لي عندك وتقطعي بيه و تقدري ديري بززاف اشكال

وندهنوهم بيض تاع البيض ونرش فوقهوم لوز فيلي وكاوكاو مصلوق ومهرمش مع سنيدة

وهاهوما طايبين و واجدين للتقديم

وبالصحة والراحة كااااااااااع الجارات داخل المغرب وخارج المغرب عيدكوم مبروك

جارتكم ام هديل

3 تعليقات

  • هههههههههه ياك تجهدت اوى اشكتعرفي على المركشيات اوى نحداك حتى نعيا مانكون بحالك الناظورية
    شوفي كيجيو زوينين الى بغيتيهوم حلوين زيدي عليهوم كاس تاع سنيدة ولا بغيتيهوم مالحين ديري هاد المقادير بلا سكر ممكن الى عندك مرشم كبير وديري وحدة فوق وحدة من الاكبر للاصغر ولا حاطي فوقهوم مربى فريز كيجيو زوينين وفاش يطيبو دردري عليهوم سكر كلاصي ولا درتي لعجينة فيها سكر متحشيش ب الفرماج اوكي الزين بكريم باتسيسري ولا مربى يا عسل انت فاهماني يا مقصوفة الرقبة وحشتيني قوي قوي

  • awah , ya oum hadil hadchi fin kan mkhbi ga3 had lhdaga khrjat mnak tbarkllah wsla 3nbi
    ana 3jboni hit chfthom mnfokhin kayban bahal 3ajin mowara9
    bsaha wraha lik ol3aailtak

ترك تعليق