فطائر محشوة بالخضر بالخطوات المصورة

اليوم جبت ليك جارتي فطائر محشوة بالخضر ، الوصفة نزولا عند طلبات الأخوات اللاتي طلبن فطاير سهلة بالخضار وصحية طبعا . نتمنى تنال اعجابكن واي طلب أنا في الخدمة

فطائر محشوة بالخضر

وصفة فطائر محشوة بالخضر هذه مشاركة من الاخت سوسو sousou-culinaire . الطريقة مشروحة بالخطوات المصورة ، وبالنسبة للمقادير ومكونات الحشوة فهي متوفرة في كل مطبخ 

مقادير العجين :

450غرام دقيق
3 ملاعق كبار زيت الزيتون
ملعقة صغيرة ملح
نصف ملعقة صغيرة خميرة كيماوية
ملعقة كبيرة خميرة عادية
ملعقة كبيرة سنيدة
ماء دافئ نجمعو بيه العجينة

مكونات الحشوة :

3 بصلات
2 فلفلات
2 مطيشات
ملح، ابزار، خرقوم
3 ملاعق كبار زيت الزيتون
زيتون أسود للتزيين
أصفر البيض للدهن

الطريقة :

نخلطو مقادير العجين و نجمعوها بالماء دافي و نخليوها تخمر و يتضاعف الحجم ديالها

نقطعو البصل المطيشة و الفلفل قطع صغيرة، نشحروهم فالزيت و نديرو العطرية،

نزيدو كاس كبير ديال الماء و نخليوهم يطيبو علا خاطرهم، منين تطيب نخليوها تبرد

فطائر محشوة بالخضر بالخطوات المصورة

ناخدو العجين و نقسموه على 2، نسرحو العجينات بزوج بالمدلك بقياس اللاطة اللي غاندخلوها للفران،

فطائر محشوة بالخضر بالخطوات المصورة

نسرحو العجينة الأولى فاللاطة، نوزعو فوقها الحشوة

فطائر محشوة بالخضر بالخطوات المصورة

و نغطيو بالعجينة الثانية و نضغطو على الجناب مزيان،

ندهنوها بالبيض، نقطعو العجينة مربعات و فوق كل مربع نديرو حبة زيتون،

فطائر محشوة بالخضر بالخطوات المصورة

ندخلوها طيب فالفران على عافية مهيلة حتا تطيب على خاطرها و تحمر من الفوق،

نخرجو فطائر محشوة بالخضر ديالنا من الفرن

فطائر محشوة بالخضر بالخطوات المصورة

فطائر محشوة بالخضر بالخطوات المصورة

ونقدمها بالصحة و الراحة

5 6 PT15M PT50M
الفطائر معجنات

6 تعليقات

ترك تعليق

Do NOT follow this link or you will be banned from the site!