فطائر مالحين من الجارة أمة الله

مشاركة جديدة هذه المرّة من جارتنا ” أمة الله ” 

فطائر مالحين ومثاليين لمائدة إفطار رمضان

فطائر مالحين

مقادير وطريقة فطائر مالحين

الحوت الابيض – 2 جزر محكوكين- فلفل الحلو- بصلة -زيتون مقطع-

التوابل : الابزار -حرقوم – تحميرة-كمون-عصير نصف حامضة-ملح – ورقة موسى

طريقة التحضير

تناخدوا الحوت نصلقوه اولا نفوره ( انا صلقتوا باش نربح الوقت)

وفي الوقت نفسه تنقطعوا البصلة ونشحروها مع الملح والابزار وورقة موسى

والفلفلة نفس العملية

والجزر حتى هو تنشحروه مع الزيت والابزار والملح

ملي كيطيب السمك كنزولولوا الاشواك وتنديروه في المقلاة مع بقية العناصر ونزيدوه التوابل المدكورة

الابزار -حرقوم – تحميرة-كمون-عصير نصف حامضة-ملح – ورقة موسى وزيتون مقطع

وتنشحروهم غير شوية ماشي بزاف حيت ديجا طيبين

وتنعمروا بهم العجين ,

العجين :

بحال ديال المسمن الدقيق والملح حسب الكمية لي بغيتي

تنعجنوه بالزيت والزبدة وتنورقوه مزيان بالمدلك حتى تولي رقيقة بزاف

ونقطعوه مستطيلات بقطاعة البيتزا

وتنعمروه بالحشوة

ندخلوه لفران وندهنوا الاطة بالزيت

وندهنوا الفطائر باصفر البيض و نرشو عليه السانوج و الجنجلان حسب الدوق (انا درتهم بزوجهم )

وندخهم لفران حتى يطيبوا ونزينهم حسب الدوق ,

صورة نهائية للفطائر المالحين 

FATAIR.jpg (598×600)

وبالصحة والراحة 

ملاحظة : المقادير حسب عدد الاشخاص

3 تعليقات

اترك رد

Do NOT follow this link or you will be banned from the site!