فطائر على شكل بريوات بالبطاطا والموتزريلا روعة

السلام عليكم وصفة اليوم من عند جارتنا الحادكة عائشة
جاراتي الحادكات لباس عليكم،
ليوم وجدت فطائر على شكل بريوات بالبطاطا والموتزريلا
 لذيذة وخفيفة وتصلح تكون
على مائدة الافطار فرمضان،بلا ما نطول عليكم
باسم الله نبداو

فطائر على شكل بريوات بالبطاطا والموتزريلا

المقادير :

العجينة:
غنحتاجو لدقيق فالحقيقة ماعبرتش
دانون مسوس
معلقة زبدة طرية
بيضة
خميرة فورية
ملح
شويش سنيدة
شوي سودانية
شوي زعتر مطحون
نعجنوها مزيان ونخلوها ترتاح.
الحشوة:
بصلة مشلظة 
،زوج بطاطات 
زيت
ملح
ابزار
كركم
شوي ربيع مقطع رقيق نسيت ما درتو
،سودانية حسب الدوق،
بيضة
،فرماج الموتزريلا.

طريقة تحضير فطائر على شكل بريوات بالبطاطا والموتزريلا :

فمقلاة نوضعو البصلة لي شلضناها رقيقة تشحر فالزيت
والزبدة والملح والابزار حتى تدبال ونضيفو بطاطا
محكوكة فالحكاكة الغليضة بلامانصلقوها والتوابل
كلها ونحرك مزيان تا طيب ونطفي عليها ونزيد الربيع وبيضة
ونخلط مزيان ونخليها تبرد.
نسرحو العجينة نقطعوها على شكل مستطيلات نوضعوها
فالقطاعة ونوضعو شوي من الحشوة وهاد القطاعات
موجودين ويلا ملقيتيهاش تقدري تجمعيها و تقطعيها بالجرارة او السكين 

وفوق منها الموتزريلا 

ونسد القطاعة،ونستف فلاطة دالفران مدهونة بالزيت ،
تا نكمل وندهنهم بالبيض مخلط مع
قطرة ديال الخل وندردر فوقهم السانوج

وندخلوهم للفران و هاهوما
فطائر على شكل بريوات بالبطاطا والموتزريلا بالصحة والعافية. 

متنساوناش من صالح دعائكم 

الجارة عائشة

17 تعليق

اترك رد

Do NOT follow this link or you will be banned from the site!