حلويات حلويات العيد حلويات المناسبات حلويات دواز أتاي

غريبة البهلة بالكاكاو

دائما مع وصفات الأخت Mounya الله يعطيها الصحة ، اليوم جبت ليك جارتي غريبة البهلة بالكاكاو . طبعا غريبة غنية عن التعريف ، سهلة وبسيطة ومقادير التحضير في المتناول 

غريبة البهلة بالكاكاو

المقادير :

رابعة زبدة
300 غرام سكر سنيدة
2 كيسان زيت
100 غرام جنجلان محمر
100 غرام لوز محمر و مطحون بقشوره
1 ڤاني
قبصة الملح
ملعقة كبيرة كاكاو
ملعقة صغيرة قرفة
الدقيق حسب الخليط
3 خمارات

للتزيين:

سكر سنيدة

طريقة غريبة البهلة بالكاكاو :

نخدمو الزبدة، السكر، الڤاني،

و نزيدو الزيت و نخلطو مزيان، و نضيفو اللوز، الكاكاو، الجنجلان و القرفة ،

و نضيفو الخمارات و الدقيق حسب الخليط حتا تجمع لينا العجينة

وتولي متجانسة بلا مانعجنوها و نخليوها ترتاح ساعة فالثلاجة،

نديرو منها كويرات صغار نفندوهم فالسكر و نديروهم فلاطة مدهونة بالزيت

و ندخلوهم للفران من التحت باش يتشقو لينا

عاد نديرو غريبة البهلة ديالنا الفوق يطيبو لمدة 10 حتال 15 دقيقة

بالصحة والعافية

6 تعليقات

ترك تعليق