غراتان بالبطاطا و الكفتة بطريقة مفصلة وسهلة

السلام عليكم جاراتي العزازات هاد المرة جبت ليكم وصفة مثالية للعشاء خفيفة وصحية وسهلة التحضير و بمقادير متوفرة في كل بيت غراتان بالبطاطا و الكفتة من الأخت سوسو جزاها الله خيرا على مشاركتها .

غراتان بالبطاطا و الكفتة

نبداو بسم الله المقادير :

كيلو بطاطا بصلة 3 معالق كبار زيت
250 غرام كفتة
50 غرام زبدة
ملح ابزار

صلصة البيشاميل :

2 معالق كبار زبدة 2 معالق كبار طحين
نصف لتر حليب ملح ابزار
قبصة كوزة محكوكة .

طريقة تحضير الكراتان :

نوجدو صلصة البيشاميل كندوبو الزبدة فكسرولة على عافية مهيلة

ونزيدو الطحين ونحركو مزيان باش ميديرش الطحين كويرات ونبقاو نحركو مزيان

ونزيدو الحليب بشوية بشوية وحنا كنحركو بطراب يدوي حتى يولي خليط متجانس

ونزيدو الملح و الابزار و الكوزة محكوكة

ونخليوها تبرد ونودوزو نوجدو البقية كنقطعو البطاطا دوائر ونصلقوها لمدة 15 دقيقة

كنديرو مقلة فوق العافية نديرو فيها الزيت نكونو وجدنا البصلة مشلضة رقيقة ونشحروها

ونزيدو عليها الكفتة والملح و الابزار وملي طيب نحيدوها تاخد درجة حرارة المطبخ،

ونجيبو طبسيل ديال الفران ندهنوه بالزبدة ونستفو البطاطا هي الاولى ونكوبو صلصة البيشاميل

ونديرو طبقة ديال الكفتة والفرماج و بحال هاكا حتى نكملو الكمية كاملة ونغطيوها بورق الالومينيوم

وندخلوها لفران سخون مزيان لمدة 15 دقيقة ونخرجوه نحيدو ورق الالومينيوم

ونرجعو ندخلوه الفران حتى يولي الفرماج ذهبي ونخرجوه

هاهي مراحل عمل الغراتان بالصور والمراحل 

نقدمو غراتان بالبطاطا و الكفتة ديالنا سخون بالصحة و الراحة

ومتنساوناش من صالح دعائكم

17 تعليق

اترك رد

Do NOT follow this link or you will be banned from the site!