عصير برتقال اقتصادي وبكمية كبيرة

عصير برتقال اقتصادي وبكمية كبيرة يحفظ في المجمد 18

بمناسبة شهر رمضان الأبرك، وخصوصا وأن رمضان هاد السنة جاء في فصل الصيف فالحاجة إلى العصائر والمبردات تزداد . اليوم جبت ليكم وصفة عصير برتقال اقتصادي وبكمية كبيرة من الاخت ماجدة أم جنة . عصير يمكنك الاحتفاظ به في المجمد واستهلاكه في الوقت الذي ترغبين فيه ويسمح لك باستغلال وقت الفراغ في تحضيره وتقديمه وقتما تريدين

عصير برتقال اقتصادي وبكمية كبيرة

مكونات وطريقة عمل العصير

كيلو ليمون (البرتقال) نحكو القشرة الليمونية فقط بدون ما نوصلو القشرة البيضاء.
من بعد نعصرو هاداك كيلو الليمون فالعصارة
قشرة 2 حامضات محكوكين بنفس الطريقة
2 كيسان د العنبة عصير الحامض
كيلو سنيدة

في إناء نديرو القشرة الليمون، عصير الليمون، قشرة الحامض، عصير الحامض و السكر

و نخليوه يبات فالتلاجة حتى للغد مع التحراك كل سعتاين باش يدوب السكر

الغد، نطحنوه فالمولينيكس نصفيوه و نعبرو بكاس العنبة و نديروه ف بلاستيك و الى المجمد.

مع كل كاس عصير نضيفو لتر د الماء و نطحنوه مع اي فاكهة بغينا بدون إضافة السكر

وبالصحة و الراحة، الشكر لصاحبة الوصفة الأخت ماجدة أم جنة

18 Comments

  1. منعش واقتصادي

  2. تبارك اللّٰه عليك غادي يبرد القلب فهاد الصيف شكرا

  3. Ensha’Allah anjarBo wliit 7adga men nhar Bdit Kandkhal l had Lmaw9i3 Mercii Bezzzaf

  4. عصير اكثر من رائع الله يعطيك الصحة ♥ ♥

    yasmin prinsess
    1. صح اختي ياسمين

  5. ila bghinah bohdo bla manzido m3ah fakiha okhra ch7al dial lma ymklna ndifolo

  6. MACHAALLAH 3LIK7TA ANA KANSAYBO KAYJI HAIL CHOKRAN LIKHBIBA

  7. جربتها خرجت لي هايلة يعطيك الصحة على المجهود بارك الله فيك

    1. جربتها خرجت لي هايلة يعطيك الصحة على المجهود بارك الله فيك

  8. انا ديما كندره كيجي غزال

  9. ما معنى سنيدة والعنبة

    1. سنيدة هي سكر خشن

      جارتي المديرة
  10. واش معنى العنبة

    1. كاس كنعبرو بيه
      http://www.jaratii.com/recipe/4880

      جارتي المديرة
  11. شكرا لكي على هده المجهودات

  12. Lah3tik saha ajarti 3la has wasafat knckrok bzaf

    1. العفو حبيبة حياة بالصحة و الراحة

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *