عصير التفاح والفريز غني ولذيذ جدا

اهلا جاراتي العزيزات ان شاء الله كيف الاحوال ؟
هاد المرة جبت ليكم عصير التفاح والفريز غني فالمذاق ديالو
والمكونات وحتى طريقة التقديم ديالو كتفتح النفس
ممكن توجديه للضياف لانه بالفعل رائع وحتى لافراد
عائلتك بكل فرح
نتوكلو على الله ونبداو بسم الله

عصير

المقادير :

الطبقة الاولى :
1 لتر عصير البرتقال
سكر سنيدة
2 حبات تفاح
2 حبات خيار
الطبقة الثانية :
كاس عصير البرتقال
سكر سنيدة
2 حبات موز
ربع كيلو فريز

طريقة تحضير عصير التفاح والفريز:

المرحلة الاولى باش نوجدو العصير غني لذيذ جدا
اولا فالخلاط الكهربائي نديرو عصير البرتقال والخيار
من بعد منقيناه وقعطعناه على شكل مكعبات والتفاح
حتى هو بنفس الطريقة ونديرو السكر سنيدة
حسب الذوق

ونطحنو كلشي ونكوبو العصير ديالنا فكؤوس التقديم
فقط حتى المنتصف من بعد ندوزو المرحلة الثانية اولا
الجزء الثاني من العصير لي غيكون ثقيل شوية على
الاول نديرو فالخلاط الكهربائي والموز والفراولة وسكر سنيدة

حساب لي بغيتي عصير البرتقال ونطحنوه
ونعمرو الكؤوس ديالنا بالعصير الثاني ونقدمو
عصير التفاح والفريز بكل فرح من بعد ميكون
برد مزيان بالصحة والراحة كنتمنى يعجبكم
ونالو نصيب من صالح دعائكم ولاعز الناس
بالشفاء العاجل ولصاحبة الوصفة الاخت ليلى كاميل
جزاها الله عنا كل خير

في امان الله

6 تعليقات

اترك رد

Do NOT follow this link or you will be banned from the site!